«Aq jol» parlamenttik fraksıasy Úkimetke ınvestısıalyq jobalardy qurý kezinde eshbir negizsiz jerdi tartyp alýdan bıznesti qorǵaýdy jáne mundaı jer ýchaskelerin ıgerýdiń naqty krıterıılerin bekitýdi usyndy. Bul týraly Májilistiń keshegi ótken otyrysynda Azat Perýashev málimdedi dep habarlaıdy Qamshy.kz aqparat agenttigi.
«Investısıalyq tartymdylyqqa jáne bıznestiń qaýipsizdigine áser etetin mańyzdy faktorlardyń biri - jobany iske asyrýǵa bólingen jer telimderin qaıtaryp alý máselelerinde memlekettik saıasattyń ashyqtyǵy men negizdiligi. Birde-bir ınvestısıalyq jobany tıisti ǵımarattar men qurylystardy salýsyz júzege asyrý múmkin emes. Qıaldaǵy ásem saraılar ǵana aspanda ilýli bola alady, al ındýstrıalandyrý úshin salynǵan ǵımarattar jer betinde berik turý kerek», - dep aıtylǵan úkimettiń atyna joldanǵan depýtattyq saýalda.
Kásipkerler sheneýnikterdiń daý týdyratyn jáne keıde bopsalaýǵa deıin baratyn negizsiz sheshimderine talap-aryzdaryn bildirip, shaǵym túsirýde. Alaıda, mundaı másele týyndaǵanda sottar ádettegideı kásipkerlerdiń barlyq qajetti rásimderden ótip, jobany ázirlep, saraptaýǵa jumsaǵan ýaqyty men qarajatyna qaramastan memlekettik organdardyń talaptaryn qoldaıdy.
Bul oraıda, Azat Perýashev «Aq jol» fraksıasynyń budan buryn da Joǵarǵy sot tóraǵasy Jaqyp Asanovtyń atyna ótinishpen júginip, memlekettiń ekonomıkalyq damýy men kásipkerlerdiń zańdy quqyǵyn qorǵaý múddesine negizdelgen amal-tásilderdi ázirleýin suraǵanyn jetkizdi. Osy maqsatta Joǵarǵy sotta arnaıy jumys toby qurylyp, atalmysh salany retteýdegi eleýli olqylyqtardy anyqtaǵan bolatyn.
Sonymen, Jer kodeksinde eger ýchaske ıgerilmegen bolsa nemese tıisti maqsatta paıdalanylmasa jer telimin májbúrli túrde alyp qoıýdy kózdeıdi. Alaıda, ıgerýge qoıylatyn krıterıılerdiń anyqtalmaǵan. Bul sheneýnikterge jer ýchaskelerin óz qalaýy boıynsha tartyp alýǵa múmkindik berip, ony kásipkerlerge qarsy teris paıdalanýǵa jaǵdaı jasap otyr.
Depýtat búginde shaǵyn jáne orta bıznes jer telimderin ıgerý kezinde kedergilerge jıi tap bolatynyn málimdedi. Máselen, ınjenerlik toraptyń bolmaýy, memlekettik organdardyń ruqsattama qujattamalaryn keshiktirýi. Al, onsyz jobalyq saraptamanyń qorytyndysyn alý jáne qurylysqa kirisý múmkin emes.
Áriden soń, shaǵyn jáne orta bıznes úshin komýnıkasıalardy óz esebinen júrgizý – ony shyǵynǵa ushyratady. Al, sheneýnikterdiń qarama-qarsy áreketterin fors-majorǵa teńeýge bolady. Óıtkeni, bul, shyn máninde, kásipkerler úshin beıne bir «boı bermeıtin kúshke» aınaldy.
Oǵan dálel bolarlyq mysaldar jetip artylady. Memlekettik organdar birde bas jospardy, birde qurylysty turǵyzatyn aýdannyń egjeı-tegjeıli josparlaýyna ózgerister engizip, tipti komýnıkasıa júrgizýdiń merzimin keıinge shegeredi. Osy ýaqyt aralyǵynda kásipkerge berilgen jerdi ıgerý merzimi de aıaqtalady. Ázirlenip, tólemi jasalǵan qujattarǵa qaramastan sottar jer ýchaskesin tartyp alady. Osylaısha, ınvestısıalyq jańa bastamalardyń bolashaǵyna balta shabady.
«Ekonomıkanyń draıveri dál osy shaǵyn jáne orta bıznes emes pe edi?! Jańa tehnologıalardy engizetin de, azamattardy jappaı jumyspen qamtýǵa jol ashatyn sektor da osy edi. Degenmen, sheneýnikter zańdy syltaý etip jandanyp kele jatqan bıznesten jerdi tartyp alyp, kásipkerlik bastamanyń damýyna tosqaýyl qoıady. «Aq jol» partıasynyń poshtasyna kelip túsken mundaı mysaldar jeterlik », - dep atap ótti Azat Perýashev.
Osyǵan baılanysty «Aq jol» fraksıasy qurylys maýsymynyń bastalýyn eskere otyryp, Úkimetke jer telimderin ıgerýdiń biryńǵaı krıterıılerin ázirleýdi, sondaı-aq ınjenerlik jelilerdi qosý jáne basqa da obektıvti jaǵdaılardy eskere otyryp, shaǵyn jáne orta bıznes úshin jer ýchaskelerin ıgerý merzimin eseptep shyǵarýdy usyndy.
«Aq jol» QDP jáne onyń parlamenttik fraksıasy saılaýaldy baǵdarlamany iske asyrý jáne bıznes múddesin qorǵaý boıynsha jumystardy jalǵastyrýda.
Usynǵan: Gúlim Jaqan
