Qazaqstanda salynýy yqtımal atom elektr stansıasyna (AES) arnalǵan aýmaq retinde Shyǵys Qazaqstan oblysyndaǵy Kýrchatov qalasy men Almaty oblysyndaǵy Úlken aýyly tańdalǵan dep habarlaıdy Qamshy.kz aqparat agenttigi.

 "Kópten beri aıtylyp júrgen AES salý boıynsha naqty sheshim áli qabyldanbaǵan - qýaty qandaı bolary da, naqty orny da belgisiz. Ázirge tek stansıa salynýy múmkin aýmaqty belgiledik. Ózimizge saı keletin tehnologıany irikteımiz. Bul týraly áli talqylanady. Aýmaq retinde Almaty oblysyndaǵy Úlken aýyly tańdaldy. Biz eń qolaıly tehnologıany tańdaımyz", - dedi Senattyń qýlýarynda energetıka mınıstriniń orynbasary Maǵzum Myrzaǵalıev.

Onyń sózinshe, "AES qurylysy talqylanǵanda azamattardyń pikiri mindetti túrde eskeriledi".

Eske sala ketsek, Reseı prezıdenti Vladımır Pýtın Qazaqstan Prezıdenti Qasym-Jomart Toqaevpen kelissózder barysynda Máskeýdiń Nur-Sultanǵa atom elektrstansıasyn salý usynys tastaǵanyn habarlaǵan bolatyn. 

"Ózara is-qımyldyń jańa túrlerine kóshýdi usynamyz. Eń aldymen Qazaqstanda reseılik tehnologıalar boıynsha AES salý múmkindigin eskeremin", - dedi Pýtın. Pýtın óziniń alǵashqy resmı sheteldik saparymen Reseıge kelgeni úshin Toqaevqa rızashylyǵyn bildirip, kelissózder Nursultan Nazarbaev kezinde qalyptasqan dástúrge sáıkes ótkenin atap ótti.

Usynǵan: Maqpal Sembaı