15 sáýirden beri Sultanmahmut Toraıǵyrov atyndaǵy Pavlodar memlekettik ýnıversıtetinde «Jýrnalısıka» mamandyǵy boıynsha joǵary oqý oryndary stýdentteriniń XI Respýblıkalyq pándik olımpıadasy ótip jatyr.

Eki kúnge sozylǵan bilim dodasyna elimizdiń ár aımaǵynan 17 komanda qatysyp otyr. Pándik olımpıadanyń basty taqyryby «Uly dala ulaǵaty» dep atalady. Jarystyń alǵashqy kúninde qatysýshy stýdentter tanystyrý jáne esse jazý boıynsha baq synasty. Jas jýrnalıser jedel aqparat jazyp baqtaryn synady.

Saıys sharty negizinde qazylar alqasy óz baǵasyn berip, pikir bildirdi. Uıymdastyrýshylar qala qonaqtaryna Pavlodar qalasynyń kórikti jerlerin aralatty. Máshhúr Júsip Kópeıulynyń meshiti, Rámizder saıabaǵy, Buqar jyraý atyndaǵy ádebıet jáne óner mýzeıi stýdentterge erekshe áser qaldyrdy.

Saıys qorytyndysy búgin belgili bolady.

Aıdana Orynbaı,

Shet tilderi jáne iskerlik karera ýnıversıtetiniń stýdenti