Búgin QR qarjy mınıstri Álıhan Smaılov málimdeme jasap, kezekten tys prezıdent saılaýyna bólinetin qarajattyń 2,6 mıllıard teńgege qysqaryp, 9,4 mıllıard teńge bólinetinin aıtty.
OSK kezekten tys prezıdent saılaýyn ótkizý úshin 12 mıllıard teńge bólýdi suraǵan edi. Óz kezeginde qarjy mınıstri:
"Biz árbir aımaqtaǵy ýchaskeler sany men jumys jasaıtyn azamattaryń sanyn bildik. Azamattardyń kópshiligi naýqan boıy jumys jasamaıdy. Sondyqtan, atalǵan máselelerdi eskere otyryp, suralǵan qarajat kólemin 9,4 mıllıard teńgege qysqartýǵa sheshim qabyldadyq" - dedi.
Eske sala keteıik, memleket basshysy Qasym-Jomart Toqaev 9-sáýir kúni kezekten tys prezıdent saılaýyn jarıalaǵan edi.
