Ústimizdegi jyldyń 28 naýryzynda Almaty qalasy boıynsha Sot saraptamalary ınstıtýtynda osy ınstıtýttyń, Almaty qalasy bilim berý basqarmasynyń, Tilderdi damytý basqarmasynyń, Almaty qalasy JOO-lary uıymdastyrýymen «Memlekettik tildiń latyn grafıkasyna birtindep aýysý máseleleri» taqyrybynda dóńgelek ústel ótti. Atalmysh shara Almaty qalasy boıynsha Sot saraptamalary ınstıtýtynyń jalpy máseleleri boıynsha dırektordyń orynbasary A.A. Ermekovtyń moderatorlyǵymen ótti. Dóńgelek ústelge Almaty qalasynyń Tilderdi damytý jáne latyn grafıkasyna kóshý ortalyǵynyń ókili N.R. Shaımerdenov, Bostandyq aýdanynyń bilim berý basshysy Q.A. Abdımanapova, ál-Farabı atyndaǵy Qazuý-dyń oqytýshy-professorlary D.A. Álkebaeva, L. T. Álimtaeva, K.Q. Kúrkebaev, G.Sh. Akımbekova, Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń dosenti B. Ihsan t.b. ǵalymdar qatysty.
Birinshi kezekte sóz alǵan Tilderdi damytý jáne latyn grafıkasyna kóshý ortalyǵynyń ókili N.R. Shaımerdenov elbasynyń qazaq tilin latyn grafıkasyna 2025 jylǵa deıin kezeń-kezeńimen kóshirý josparymen tanystyra otyryp ótken jyly álipbıdiń bekitilgenin, emle erejeleriniń jobasy usynylǵanyn atap ótti. Bir apta buryn ǵana Sh. Shaıahmetov atyndaǵy «Til-qazyna» ulttyq ǵylymı-praktıkalyq ortalyǵynda latyn grafıkasyna negizdelgen emle erejelerin meńgertý úshin barlyq oblystarda trenerler daıyndaý maqsatynda 72 saǵattyq kýrs ashylǵandyǵyn aıtty. Bul kýrsta jańa álipbı qurylymy, mazmuny orfografıalyq jáne orfoepıalyq erejeler, shet tilden engen sózder emlesi t.b. qoǵamnyń latyn negizdi álipbıdi ıgerýdegi qajettilikterine saı júrgiziletindigin aıtty.
Profesor D. Álkebaeva, dosent B. Ihsan, dosent K. Kúrkebaevtar jańa emle erejelerin ıgerýdegi túıtkildi máselelerge toqtalyp, áli de jetildire túsýge baǵyttalǵan óz usynys pikirlerin jetkizdi. ál-Farabı atyndaǵy QazUÝ-dyń dosenti L. Álimtaeva qazaq tilin latyn grafıkasyna 2025 jylǵa deıin kezeń-kezeńimen kóshirý jónindegi josparyna sáıkes orfografıalyq jumys tobynyń 2019 jylǵy is-sharalary jospary boıynsha emle erejelerin nasıhattaýǵa arnalǵan ádistemelik ónimderdi ázirleý qolǵa alynǵandyǵyn, atap aıtqanda, JOO stýdentterine arnalǵan jańa emle erejelerin ıgertýge arnalǵan ádistemelik nusqaýlyq; resmı-is qaǵazdarynyń nusqaýlyǵy; jarnama mátinderine qajetti emle nusqaýlyǵy; kópshilikke arnalǵan emle erejelerin túsindiretin qyzyqty anyqtaǵysh; oblys, qala, aýdan ergonımderdiń, mańdaıshalardyń kırıl-latyn álipbıindegi paralel anyqtamalyqtary qamtylǵandyǵyn atap ótti.
Oqytýshy-professorlarǵa Sot saraptamalary ınstıtýty qyzmetkerleri tarapynan qoıylǵan suraqtardyń deni latyn grafıkasyna negizdelgen jańa emle erejelerine qatysty boldy.
L.T. Álimtaeva
ál-Farabı atyndaǵy QazUÝ-dyń
dosenti, fılol.ǵ.k.
