Ústimizdegi jyldyń 22 aqpanynda Almaty qalasy Qazaqstan Respýblıkasynyń Ulttyq kitaphanasynda Qazaq álipbıin latyn grafıkasyna kóshirý jónindegi ulttyq komısıa janyndaǵy orfografıalyq jumys tobynyń kezekti májilisi ótti. Májilis Qazaqstan Respýblıkasy Mádenıet jáne sport mınıstrligi Til saıasatynyń tóraǵasy, orfografıalyq jumys tobynyń tóraǵa orynbasary Q.Q. Borashev myrzanyń tóraǵalyǵymen jáne Sh. Shaıahmetov atyndaǵy «Til-qazyna» ulttyq ǵylymı-praktıkalyq ortalyǵynyń atqarýshy dırektory E.E. Tileshovtiń moderatorlyǵymen ótti.
Kún tártibinde qazaq tilin latyn grafıkasyna 2025 jylǵa deıin kezeń-kezeńimen kóshirý jónindegi josparyna sáıkes orfografıalyq jumys tobynyń is-sharalary týraly másele qaraldy. Bul másele boıynsha otyrys tóraǵasy Q.Q. Borashev mektep oqýlyqtaryn qaıta shyǵarý, olarǵa saraptama jasaý, orfografıalyq, orfoepıalyq sózdikter, anyqtaǵyshtar, toponımıkalyq, antroponımıkalyq sózdikterdiń qoljazbasyn shyǵarý kózdelip otyrǵandyǵyn atap ótti.
Ekinshi másele boıynsha májilis moderatory E.E. Tileshov myrza bekitilgen is-sharalar josparynda bıylǵy jyly ortologıalyq quraldar ázirleý kózdelgendikten jumys tobynyń quramyn ǵalymdarmen tolyqtyrý qajettiligine oraı jumys tobynyń jańa quramy men 2019 jylǵa arnalǵan jumys josparymen tanystyrdy. Jumys tobynyń quramynda tóraǵa, tóraǵa orynbasary, hatshy jáne A.Baıtursynov atyndaǵy Til bilimi ınstıtýtynyń dırektory E. Z. Qajybek myrza bastaǵan beldi ǵalymdar men Almaty, Astana qalalary men aımaqtyq joǵary oqý oryndarynyń profesorlary men dosentteri qamtylǵan 24 múshesi bar ekendigi aıtyldy.
Kelesi máselede Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń orfografıa bóliminiń basshysy A. Fazyljanova men A.Baıtursynov atyndaǵy Til bilimi ınstıtýtynyń til mádenıeti bóliminiń meńgerýshisi Q.Kúderınova emle erejelerin nasıhattaýǵa arnalǵan ádistemelik ónimderdi ázirleýge jaýapty tulǵalar men olardyń oryndalý merzimimen tanystyryp shyqty. Bul baǵyttaǵy ónimderdiń quramynda JOO stýdentterine arnalǵan jańa emle erejelerin ıgertýge arnalǵan ádistemelik nusqaýlyq; resmı-is qaǵazdarynyń nusqaýlyǵy; jarnama mátinderine qajetti emle nusqaýlyǵy; kópshilikke arnalǵan emle erejelerin túsindiretin qyzyqty anyqtaǵysh; oblys, qala, aýdan ergonımderdiń, mańdaıshalardyń kırıl-latyn álipbıindegi paralel anyqtamalyqtary qamtylǵan.
Otyrysta qaralǵan máseleler biraýyzdan qoldaý taýyp, qaýlylarmen bekitildi.
L.T. Álimtaeva
ál-Farabı atyndaǵy QazUÝ-dyń
dosenti, fılol.ǵ.k.
