Nur-Sultan qalasyndaǵy jataqhanalardyń birinen órt shyǵyp, 350-den astam adam evakýasıalanyp, 20-dan astam adam medısınalyq kómekke júgindi. Ol týraly jýrnalıserge QR İİM Tótenshe jaǵdaılar komıtetiniń resmı ókili Nursultan Nurahmetov habarlady dep jazady Qamshy.kz aqparat agenttigi Nur-Sultan qalasy TJD baspasóz qyzmetine silteme jasap.

«2 mamyr kúni saǵat  10:39-da Nur-Sultan qalasynyń Tótenshe jaǵdaılar departamentine Dosmuhameduly kóshesinde ornalasqan bes qabatty jataqhanadan órt shyqqany týraly dabyl qaǵyldy. Órt ekinshi qabattaǵy aýmaǵy 20 kv.m bolatyn bólmeden shyqqan. Órt sóndirýshiler jalyndy  11.05-te aýyzdyqtap, 11.15-te tolyǵymen sóndirdi», - dedi Nurahmetov.

Avtobaspaldaqtyń kómegimen ǵımarattan 32 adam qutqaryldy. «Jataqhanadan 350 adam ózdigimen evakýasıalandy, medısınalyq kómekke 20-dan astam adam júgindi, onyń 14-i bala», - dep túsindirdi İİM ókili.

Órt sóndirýge qalalyq TJ departamentinen barlyǵy 66 adam, 18 órt sóndirý tehnıkasy jumyldyryldy. Zardap shekkenderge jedel medısınalyq jáne psıhologıalyq kómek kórsetý úshin «Apattar medısınasy ortalyǵynyń» qyzmetkerleri boldy.

Jergilikti aqparat agenttikteriniń habarlaýynsha, oqıǵa ornyna barǵan qala ákimi Baqyt Sultanov ǵımarattyń jaǵdaıyn anyqtap, zardap shekkenderge kómektesýdi tapsyrǵan. Órttiń sebebi anyqtalýda.