Búgin Qasym-Jomart Kemelulynyń respýblıkalyq qoǵamdyq shtaby ashylyp, sol resmı sharada sóz sóılegen Máýlen Áshimbaev shtabqa 200-deı adam tirkeldi dep málimdegen. Sonyń ishinde belgili ánshi Meırambek Bespaev ta bar edi. Arada birer saǵat ótkende Bespaev óziniń áleýmettik jelidegi paraqshasynda eshkimge kelisim bermegenin aıtty dep habarlaıdy Qamshy.kz aqparat agenttigi.

"Shtab quramyna 187 adam kirdi, olar elge tanymal adamdar, qoǵam qaıratkerleri. Onyń ishinde dańqty sportshylar Jaqsylyq Úshkempirov, Aleksandr Vınokýrov, Aıbek Nuǵymarov, Álıa Iýsýpova, Qanat Islam, Dınara Sadýaqasova sıaqty sańlaqtarymyz bar. Arýjan Saın, Dınara Zakıeva, Vera Kım jáne taǵy basqa úkimettik emes uıymdar ókilderi kelisimin berdi. Shtabqa ártister de kirdi. Roza Rymbaeva, Altynaı Jorabaeva, Meırambek Bespaev, Samal Eslámova bar", – dedi Máýlen Áshimbaev respýblıkalyq qoǵamdyq shtabtyń resmı ashylýynda.

Áshimbaevtyń málimdemesinen keıin Instagram jelisinde Meırambek Bespaev jazba jarıalady.

"Men eshkimniń shtabyna kelisim bergen emespin. Syrtymnan sheshe beretin bolǵan ba?" - delingen jazbada.

Jeli qoldanýshylary atalǵan jazba astynda onyń azamattyǵyn, birbetkeıligin, shynshyldyǵyn aıtyp jarysa maqtap jatyr.

Usynǵan: Ádilet Mádenıet