Tanymal qytaıshy Konstantın Syroejkın tutqyndaldy dep jazady Qamshy.kz aqparat agenttigi centrasia.org saıtynyń deregin negizge alyp.

"Qazaqstandaǵy arnaıy jasaqtyń kómegimen tanymal polıtolog K.L Syroejkın ustaldy. Ol birneshe jyl boıy Qazaqstandaǵy Qytaıdy zerttep júrgen jetekshi maman retinde sanalyp kelgen edi. Sondaı-aq Konstantın Syroejkın doktorlyq dısertasıasyn jazǵan Toqaevqa ǵylymı keńesshi bolǵan. Tekseris barysynda, Syroejkın tyńshy degen kúdikpen ustaldy", - delingen habarlamada. 

Aıta ketsek, Toqaev 2001 jyly Máskeý qalasy Reseıdiń Dıplomatıalyq akademıasynyń ózekti jáne halyqaralyq problemalary ınstıtýtynda doktorlyq dısertasıasyn qorǵady. 

Syroejkın kim?

1956 jyly 19 maýsymda Almaty qalasynda týǵan. Ákesi - Syroejkın Lev Andreevıch, zeınetker, «Qazaq selden qorǵaý» aımaqtyq bólimshesiniń bas ınjeneri bolǵan.

«QHR-daǵy jumysshy tabynyń saıası reli (1949-1957 jyldary): qalyptasý máseleleri» (1992), «Qytaıdaǵy qazaqtar: áleýmettik-ekonomıkalyq jáne mádenı damý ocherkteri» (1994), «QHR-daǵy etnıkaaralyq qatynastardy júıeli retteý: teorıa jáne tájirıbe» (1997), «Qazirgi zamandyq Sınszán jáne onyń qazaqstan-qytaı qatynastarynda alatyn oryny» (1997), «QKP ulttyq saıasaty tujyrymdamasynyń qalyptasý evolúsıasy jáne negizgi mazmuny» (1998), «QHR-daǵy ulttyq-memlekettik qurylys: teorıa jáne tájirıbe» (1998), «Qytaıdaǵy etnıkalyq separatızmniń ańyzy men shyndyǵy jáne Ortalyq Azıa qaýipsizdigi» (2003), «Qazirgizamandyq Qytaı máseleleri jáne Ortalyq Azıa qaýipsizdigi» (2006), «Qytaı: áskerı qaýipsizdik» (2008), «Qazaqstan-Qytaı: shekaralas yntymaqtastyqtan nysanalas seriktestikke» (úsh kitapta, 2010) kitaptarynyń; 500-den astam ǵylymı maqalanyń avtory.

Aýdarǵan: Ásel Bolatqyzy