Qazaqstan komýnıstik halyq partıasynan prezıdenttikke kandıdat Jambyl Ahmetbekov 16 óńirden 135 506 qol jınaǵan, dep habarlaıdy Qamshy.kz aqparat agenttigi Sputnik Qazaqstan saıtynyń deregin negizge alyp.
Ortalyq saılaý komısıasynyń múshesi Baqyt Meldeshov komýnıserdiń atynan saılaýǵa túsetin úmitkerdiń kandıdatqa qoıylatyn talaptarǵa saı ekenin atap ótti.
"Aýmaqtyq saılaý komısıasylarynyń hattamalarynda sáıkes, Jambyl Ahmetbekov 16 óńirden 138 294 qol jınady. Onyń 135 506-sy esepke alyndy", - dedi Meldeshov OKS otyrysynda.
Jambyl Ahmetbekovke Qazaqstan prezıdenttigine úmitkerdiń kýáligi tabystaldy.
Brıfıń barysynda Qazaqstan komýnıstik halyq partıasynyń kandıdaty qol jınaýǵa az ýaqyt berilgenin, biraq oǵan qaramastan bul mindetti oryndaǵanyn jetkizdi.
Sondaı-aq, Jambyl Ahmetbekov óziniń ómirlik jolyn baıandap berdi.
"Men aýyldan qalaǵa kelgen kezde úı jaldap turdym. Ol qaladaǵy Lesozavod aýdanynda bolatyn. Batpaqtyń arasymen júrdik. Partıamyz parlamentke ótip, depýtat bolyp saılandym. Qazir qyzmettik úıde turyp jatyrmyn. Anam meniń qolymda. Otbasymda 7 adam bar", - dedi ol.
Prezıdenttikke úmitker jeke basynda úı joq ekenin, al qymbat kólikti nesıege satyp alǵanyn aıtty.
"Qazir ózimniń jeke úıim joq. Jubaıym - muǵalim. Sondyqtan memlekettik baǵdarlama arqyly aldymen jalǵa beriletin, keıin satyp alý múmkindigi qarastyrylǵan baspana aldyq. Onyń aqshasyn tólep turamyz. Biraq ol bizdiń atymyzǵa túsken joq. Áli biraz aqsha tóleý kerek. Aldynda ıterip júrgizetin Toyota Camry kóligim boldy. Ony satyp, nesıege 2013 jylǵy Toyota Highlander kóligin aldym. 3 jyl nesıesin tóledim. Odan basqa bıznesim, jeke múlkim joq", - dedi kandıdat.
Usynǵan: Ásel Bolatqyzy
