Shymkenttik dárigerler benzın iship qoıǵan 3 jasar qyzdy aman alyp qaldy, dep habarlaıdy Qamshy.kz aqparat agenttigi Zakon.kz saıtyna silteme jasap.

Vedomstvonyń habarlaýynsha, náreste toksındik suıyqtyqty abaısyzda iship qoıǵan. Sodan keıin ony aýyr halde jergilikti jedel járdem aýrýhanasyna jetkizgen. Mamandar sábıdiń ishki organdarynyń zaqymdanǵanyn anyqtap, ony shuǵyl túrde Shymkenttiń Gıperbarıalyq ottekteý ortalyǵyna aýystyrý týraly sheshim qabyldaıdy.

- Benzın iship qoıyp, ishki organdary qatty kúıip qalǵan 3 jasar sábıdi dereý aýrýhananyń jan saqtaý bólimshesine jatqyzyp, onyń asqazany nazogastraldi zondtyń kómegi arqyly tazalandy. Jan saqtaý bólimshesine jatqyzylǵan náresteni qutqaryp qalý maqsatynda dárigerler onyń ómiri úshin eki kún boıy kúresti. Júrgizilgen reanımasıalyq sharalardyń nátıjesinde úsh jastaǵy qyzdyń densaýlyǵy jaqsaryp, ol úshinshi kúni jan saqtaý bólimshesinen palataǵa aýystyryldy, - dedi Shymkent qalasy Densaýlyq saqtaý basqarmasynyń ókilderi.

Usynǵan: Marjan Sábet