Ózin-ózi jarıalaǵan Donesk jáne Lýgansk halyq respýblıkalarynda reseılik tólqujat alǵan Ýkraına azamattary áleýmettik járdemaqylar men zeınetaqylarynan aıyrylýy múmkin. Ol týraly Ardagerler isteri jónindegi mınıstr Irına Frız óziniń Facebook paraqshasynda habarlady dep jazady Qamshy.kz aqparat agenttigi ýkraınalyq espreso.tv saıtyna silteme jasap.

«Ýkraına tarapynan áleýmettik járdemaqylar nemese zeınetaqy alýǵa baılanysty benefısıar mártebesin berýden bas tartý úshin Reseı tólqujattaryn alǵan azamattardy derekter bazasyna qosý týraly usynysty óńdeýdi bastadyq», - dep jazdy Irına Frız.

Budan buryn Ýkraınanyń premer-mınıstri Vladımır Groısman, Ýkraınanyń mınıstrler kabıneti Donbassta Reseı bergen tólqujattardy zańsyz dep taný týraly sheshim shyǵaratynyn habarlaǵan bolatyn.

Alaıda Reseı prezıdentiniń baspasóz hatshysy Dmıtrıı Peskov, Donbasstyń turǵyndaryna tólqujat berýdi jalǵastyratynyn, Ýkraına tarapynan muny zańsyz dep tanýy jaǵdaıdy ózgertpeıtinin atap ótti.

Esterińizge sala ketsek, Reseı prezıdenti Vladımır Pýtın osy jyldyń 24 sáýirinde Donesk jáne Lýgansk halyq respýblıkalaryna reseılik tólqujattardy jeńildetilgen túrde berý týraly jarlyq shyǵarǵan bolatyn. Qujat resmı túrde jarıalanǵannan keıin birden kúshine endi.

Ýkraınanyń prezıdenti Vladımır Zelenskıı, Máskeýdiń bul qadamyna «tez ári aqyldy» jaýap qaıtaramyn dep ýáde etken. Al Petr Poroshenko bolsa Ýkraınanyń tólqujaty álemdi saıahattaý kezinde reseılik tólqujattyń aldyn oraıtynyn aıtty.

Daıyndaǵan: Marjan Sábet