Maxambet atyndaǵy akademıalyq qazaq drama teatrynda Otan qorǵaýshylar kúnine arnalǵan merekelik shara uıymdastyryldy, - dep xabarlaıdy Qamshy.kz aqparat agenttigi Atyraý oblysynyń Óńirlik komýnıkasıalar qyzmetiniń deregin negizge alyp.

Táýelsiz Qazaqstannyń Qarýly Kúshterine bıyl 27 jyl. Merekelik sharaǵa QR Parlamenti Májilisiniń depýtattary Baqtyqoja İzmuhambetov pen Abaı Tasbolatov, Atyraý oblysynyń ákimi Nurlan Noǵaev qatysty.

— Búgin qasıetti Táýelsizdigimizdi, ata-babalarymyzdan qalǵan ulan-baıtaq jerimizdi, xalqymyzdyń tynyshtyǵyn, yrys-berekesin miz baqpastan, kirpik qaqpastan qorǵaıtyn Otan qorǵaýshylarymyzdyń tól merekesi. Elimizdiń múddelerin áýede, teńizde, qurlyqta qorǵaıtyn qarýly kúshterimiz qatarda. Qandaıda bir áskerdiń aldyna qoıǵan tapsyrmasyn oryndaýda onyń saqadaı saı bolýyna tek materıaldyq-texnıkalyq baza, qarý-jaraq qana emes, sonymen qatar, jaýyngerlik rýx qajet. Elimizge qosyp jatqan úlesterińiz eleýli. Qazirgi tańda qatardaǵy jaýyngerlerge, áriptesterime jáne óskeleń urpaqqa óz atymnan rızashylyǵymdy bildiremin,- dedi aımaq basshysy Nurlan Noǵaev. Merekelik shara konsertke ulasty.

Aıta keteıik, 2012 jyly Qazaqstan Respýblıkasynyń Qarýly Kúshteriniń 20 jyldyǵyna oraı Elbasy Nursultan Nazarbaev 7 mamyrdy Otan qorǵaýshylar kúni retinde belgilep, memlekettik merekeler qataryna qosqan bolatyn.

Usynǵan: Ásel Bolatqyzy