Munaıly astanasynyń kóshelerinde «Máńgilik danq» aksıasy ótti, dep habarlaıdy Qamshy.kz aqparat agenttigi Atyraý oblysynyń Óńirlik komýnıkasıalar qyzmetiniń deregin negizge alyp. 

Búgin 8 mamyr kúni — Atyraýdyń 200-ge jýyq turǵyny áskerı orkestrmen birge Uly Otan soǵysynyń ardagerleriniń sýretterimen Jeńis saıabaǵyndaǵy máńgilik alaýǵa gúl shoqtaryn qoıdy.

İs-shara barysynda bastaryn ólimge tikken ardagerlerimizdiń erligine taǵzym etken Atyraý qalasy ákimi orynbasary Ulyqbek Tnalıev turǵyndardy merekemen arnaıy quttyqtady.

«Máńgilik dańq» Uly Jeńis Kúnine oraı el tynyshtyǵy úshin, beıbit ómir úshin surapyl soǵysta janyn aıamaı jaý soqqysyna tótep berip jerimizdi qorǵap qalǵan ata-babalarymyzdy, batyr ardagerlerimizdi eske alýǵa arnalǵan,- dedi qala ákiminiń orynbasary Ulyqbek Tnalıev.

Shara Uly Otan soǵysynda qaza tapqan sarbazdar men búginde aramyzda joq maıdangerlerdi bir mınýt únsizdikpen eske alýmen bastaý aldy.

Aıta keteıik, bıyl Uly Otan soǵysy jeńisine 74 jyl.

Usynǵan: Ásel Bolatqyzy