Altaı aýdanynda jer úı túgelimen órtenip ketti. Órt saldarynan bir er adam qaza taýyp, qalǵan tórt adamdy aýrýhanaǵa jetkizdi dep habarlaıdy Qamshy.kz aqparat agenttigi YK-news.kz saıtyna silteme jasap.

Órt Pýtınsev aýylynda bolǵan. Úı órtenip jatqanyn kórgen kýágerler dereý qutqarýshylardy shaqyrǵan. Kórshiler órtke oranǵan úıden 65 jáne 35 jastaǵy áıeldi, sonymen qatar 14-tegi qyz balany jáne 4-jasar balany alyp shyqty dep habarlady Shyǵys Qazaqstan oblysynyń Tótenshe jaǵdaılar departamenti. Zardap shekkender jedel-járdem dárigerlerine tapsyrylyp, dereý aýrýhanaǵa jetkizildi.

«Órt sóndirý kezinde 1965 jyly týǵan er adamnyń máıiti anyqtaldy», - dedi Tótenshe jaǵdaılar departamenti.

Órttiń jalpy aýdany – sharshy metr. Bul jaǵdaı elektr jelisin durys paıdalanbaý saldarynan bolýy múmkin.

Usynǵan: Marjan Sábet