Amerıkalyq ǵalymdar Marıana shuńǵymasynyń túbinen shaıan tárizdilerdiń tórt jańa túrin, plasıkalyq paket jáne konfet qaptamalarynyń qaldyqtaryn tapty dep habarlaıdy Qamshy.kz aqparat agenttigi Rambler saıtynyń deregin negizge alyp.

Zertteý jumystaryn Vıktor Vesokov bastaǵan «Bes tereńdik» zertteý ekspedısısynyń qatysýshylary júrgizgen. 

Ekspedısıa basshysy Vıktor Vesokov arnaıy daıyndalǵan batıskafpen (tereń sýda zertteýler júrgizýge arnalǵan ózdiginen júzetin apparat) Marıana shuńǵymasynyń 11 shaqyrym tereńdiginde 4 saǵatqa jýyq ýaqyt bolǵan. Bul tarıhtaǵy adam balasy baǵyndarǵan eń tereń núkte.

Ekspedısıa músheleri ártúrli ósimdikterdiń jańa túrlerin jáne shaıan tárizdester tobynyń tórt jańa túrin tapqan.

Tańǵajaıyp tabylýlar ishinde plasıkalyq paket pen konfet qaptamalary da bar. Zertteýshilerdiń aıtýynsha, adamzattyń ekologıaǵa keltirip jatqan zıany, jer sharynyń adam tirshilik etpeıtin tuńǵıyǵynda da kórinis berip tur. Ǵalymdar endigi kezekte, qoqys qaldyqtarynyń muhıttan tabylǵan tirshilik ıeleri úshin qanshalyqty zıan ekenin tolyq zerttep kórmek. 

Buǵan deıin, Fılıppın araldarynan tabylǵan kıttiń asqazanynan 40 keli plasıkalyq paket qaldyqtary shyqqan bolatyn. Osyǵan uqsas jaǵdaı Italıanyń Sardınıa aralynda da qaıtalanǵan-dy. Óli kıttiń ishinen 22 keli plasmassa qaldyqtary tabylǵan.

Aýdarǵan: Dáýren Sybanbaı