1-mamyr kúni Rýdnyı qalasynda ashylǵan atraksıondy qurylys kezindegi aqaýlarǵa baılanysty jaýyp tastady dep jazady Qamshy.kz aqparat agenttigi Informburo.kz saıtyna silteme jasap.
Qala turǵyndary aınalany sholý dóńgeleginiń kabınkalarynyń keri aýdarylyp turǵanyn aıtady.

Qala ákiminiń komýnaldyq máseleler boıynsha orynbasary Ánýar Eskatovtyń aıtýynsha, buzylǵan kabınalarda adam bolmaǵan, al atraksıonnyń jumysyn 12-mamyr kúni toqtatypty.
«Biz aqaýlardy tabý úshin mamandardy shaqyrdyq. Sózsiz, atraksıon sapasyn qaramaǵan jumyskerler men merdigerge shara qoldanamyz. Barlyǵyn jónimen tekseremiz. Biz qazirgi ýaqytta sertıfıkat máselesimen aınalysyp jatyrmyz», - dedi ákimniń orynbasary.
Atraksıon salý úshin Rýdnyı ákimdigi qazynasynan 330 mıllıon teńge bólindi. Jergilikti turǵyndar asa qymbat aınalany  sholý dóńgeleginiń salynýyna birden qarsy boldy. Biraq ákimshiliktiń oıynsha, 42-metrlik atraksıon kishkentaı qalany ádemi kórsetý úshin kerek.

Aýdarǵan: Ildar Adılchenov