Búgin №137 qalalyq avtobýstyń júrgizýshisiniń "birtúrli" qylyǵyn jolaýshylar taspaǵa tartyp alyp, jelige júktedi. Vıdeoda jolaýshy men júrgizýshiniń tóbelesip jatqany anyq baıqalady dep habarlaıdy Qamshy.kz aqparat agenttigi Tengrinews.kz saıtyna silteme jasap.

Eki er adamnyń jaǵa jyrtysy búgin tańerteń №137 qoǵamdyq kólikte oryn alǵan. Kýágerlerdiń aıtýynsha, avtobýs júrgizýshisi ózin durys ustamaǵan. Naqtyraq aıtsaq, eki aıaldamaǵa toqtamaı, jolaýshylardyń ótinishine qulaq aspaǵan. Kólikti toqtatqannan keıin de biraz ýaqytqa deıin esikti ashpaı, jolaýshylarmen urysyp otyryp alǵan eken.

"Almaty qalasynyń jolaýshylar tasymaly qyzmetiniń nazaryna! Búgin, 16.05.2019 kúni saǵat 7:15 shamasynda №137 avtobýstyń júrgizýshisi Qaırat yqshamaýdanynda eki aıaldamaǵa toqtamaı ótip ketti. Adamdar jumysqa keshigýde. Vıdeony basynan túsirmedim. Biraq jolaýshylar qaýipsizdiginiń deńgeıi osydan-aq kórinip tur ǵoı" - dep jazdy kýáger jelidegi jazbasynda.

Álgi avtobýs baǵytyna jaýapty "Almatyelektrotrans" kompanıasy atalǵan faktini qabyldap, tekserý amaldaryn júrgizip jatqanyn málimdedi.

"Faktini qabyldadyq. Qazir tekserip jatyrmyz. Biraq vıdeoda júrgizýshiniń qylyǵy qate ekenin birden baıqaýǵa bolady. Ázirge basqa málimet bere almaımyz", - dedi "Almatyelektrotrans" JSHS basshysy Rızvan Sınaev.

Qazir álgi júrgizýshi reısten alastatyldy. Vıdeo boıynsha tekserý jumystary júrgizilýde. Qorytyndyǵa sáıkes, tıisti shara qoldanylmaq.

Aýdarǵan: Ádilet Mádenıet