Polısıa 13 jastaǵy «Balapan» telearnasynyń júrgizýshisi bolǵan Baǵlan Qutjannyń ólimine baılanysty tergeý amaldaryn júrgizýde, dep jazady Qamshy.kz aqparat agenttigi Nur-Sultan qalasy polısıa departamentiniń baspasóz qyzmetiniń tengrinews.kz saıtyna bergen málimetine silteme jasap.

Departamentiń habarlaýynsha, 13 jastaǵy Baǵlan Qutjan velosıpedpen jol jıeginde kele jatqanda, júk kóligimen soqtyǵysyp, óte aýyr jaraqat alǵan. Jaraqattyń saldarynan jas búldirshin aýrýhanada qaıtys bolǵan.

"Aǵymdaǵy jyldyń 10 mamyrynda saǵat 17.30-da Qosshy aýyly baǵyty boıynsha kele jatqan júk kóligi men velosıped soqtyǵysyp, saldarynan velosıped aıdap kele jatqan jas bala jaraqat alyp, aýrýhanaǵa jatqyzyldy. Ol 16 mamyrda aýrýhanada qaıtys boldy. QR QK 345-baby boıynsha tergeý amaldary júrgizilýde", - dedi Nur-Sultan qalalyq polısıa departamenti.

Eseterińizge sala keteıik, qaıtys bolǵan Baǵlan Qutjan "Balapan" arnasyndaǵy "Oılan, tap!", "Biz de bal bolǵanbyz", "Qýyr, qýyr, qýyrmash", "Durys-burys" baǵdarlamalaryn júrgizgen.