Áleýmettik jelidegi Alıa Ortaeva esimdi qoldanýshy óz paraqshasyna vıdeomaterıal júktep, halyqtyń nazaryn aýdardy dep jazady Qamshy.kz aqparat agenttigi.

"Mine sıqy Shymkenttiń. Ramazan aıynda Alla sózi men isi qabyspaıtyndardyń tirligin kórsetip jatyr. Velık miný ne teńim, sýǵa toldy etegim", - dep jazǵan avtor ózi júktegen vıdeonyń astyna. Jazbada vıdeony túsirgen qoldanýshy retinde Almas Asylbekovıch esimdi azamat kórsetilgen.

Jeli qoldanýshylary beınematerıal astyna pikir jazyp, sý basyp jatqan kósheni Nur-Sultan dep anyqtama berýde. 

Al álgi beınematerıalda kólikterdiń belýardan sý keship júrgeni, keı kólikterdiń jol shetinde aıaldaǵan kúıi sý astynda qalǵany anyq kórinedi.

Atalmysh máselege qatysty quzyrly organ ókilderi málimdeme jasaǵan joq. Aıta ketý kerek, jeli qoldanýshysy álgi beınematerıaldy búgin saǵat shamamen keshki 21:00-22:00 aralyǵynda júktegen. 

Usynǵan: Ádilet Mádenıet