Qazaq halqy ejelden-aq qarǵys jaýdyrmaý kerektigin tilge tıek etip júretin bolǵan. Tańdaýly hadıs shárıfte bul týraly: «Ózderińe, bala-shaǵalaryńa jáne mal-múlikterińe betduǵa(qarǵys)  etpeńder! Duǵalardyń qabyl bolatyn ýaqytyna týra kelip betduǵalaryń qabyl bolady» degen eken.(Múslım)

Bizdiń halyq "Júıeli qarǵys júıesin, júıesiz qarǵys ıesin tabady",- dep beker aıtpaǵan. Ábý Daýd (r.a) rıýaıat etken hadıste "Eger bir kisige laǵnet aıtsań, sókseń ol qarǵys kókke kóteriledi, onyń qaqpasy jabylǵan soń quldılap jerge túsedi, jerdiń qaqpasy jabylǵan soń, ońdy-soldy izdep laǵnet adamǵa barady, ol oǵan laıyq bolmasa, qarǵys qaıtadan aıtqan jan ıesiniń ózine barady". 

"Qoıdyń qarǵysy qasqyrdy qappaıdy",-degen halyq danalyǵy taǵy bar. Ózine zulymdyq jasaǵan adamǵa da qarǵys aıtý óte aýyr. Eger Qıamet kúni onyń oǵan laıyqty emes ekendigi dáleldense, kúnási sizdiń moıynyńyzda.

Hadıs sharıfte "Múminge laǵnet aıtý ony óltirýmen teń",- dep aıtylǵan. Al, adam óltirýdiń kúnási tarazyda basym túspek.

Kúndelikti ómirde óz balamyzdy nemese basqa da jandardy ákesi men sheshesiniń atynan boqtap jatamyz. Bul da – qarǵys. Onyń da jazasy dál sondaı.

Endeshe, toqsan aýyz sózdiń tobyqtaı túıini, jaqsy amaldar jasap, eki dúnıede de alǵys alýshylardyń qatarynan tabylaıyq.

Avtor: Bek Baıtas