Sulýlyq – áıel zatynyń basty qarýy, uly nárselerge jetý úshin adamdardy jigerlendire alatyn kúsh. Adamdar turǵylyqty jeri nemese ǵıbadatyna baılanysty sulý bolmaıdy, sebebi Qudaı osy planetadaǵy barlyq adamdardy ádemi jáne erekshe etip jaratqan. Siz álemniń ártúrli elderindegi eń ádemi musylman áıelderin bilesiz be? Olar tek sulýlyǵymen ǵana emes, sondaı-aq istegen isimen kópke úlgi jáne qurmetti tulǵalar. Bul áıelder ártúrli mamandyqtardyń ıeleri, ártúrli kózqaras pen azamattyq pozısıaǵa ıe, biraq olardyń barlyǵy tartymdy, kúshti, talantty jáne aqyldy. Olar musylman áleminiń eń ádemi hanshaıymdary dep jazady Qamshy.kz aqparat agenttigi.
- Amırat ál-Tavıl (Saýd Arabıasy)
Álemdegi mártebeli hanshaıymdar jaqsy ómirin mansap pen saıası qyzmetke arnaýǵa sheshim qabyldaı bermeıdi. Amıra ál-Tavıl – sondaı qıyn joldy tańdaǵan hanshaıymdardyń biri. Saýd Arabıasynyń eń baı Sheıhter otbasynda dúnıege kelip, keıin Saýd Arabıasynyń hanzadasyna úılendi, biraq on jyldan keıin olardyń nekeleri aıaqtaldy. Bul jaǵdaıda áıeldiń bastamasy boıynsha ajyrasý - arab álemi úshin buryn-sońdy bolmaǵan oqıǵa. Qazir Amıra 36 jasta, ol fenomenaldy sulýlyqqa ıe jáne sońǵy jyldary musylmannyń eń yqpaldy áıelderiniń biri. Hanshaıym qaıyrymdylyq qoryn basqaryp, arab halqynyń gýmanıtarlyq jáne áleýmettik máselelerin sheshýde elshi qyzmetin atqarady. Ol 70-ten astam elge baryp, brıtandyq koróldik otbasymen dostyq qarym-qatynas ornatqan (atap aıtqanda, Prıns Fılıppen birlesken zertteý ortalyǵyn ashty) jáne búkil álemdegi arab áıelderiniń ımıjin tanymal etý úshin kóptegen paıdaly nárseler jasady. Saýdtyq hanshaıym Amıra Al-Tavıl – sulýlyq, ıntellekt jáne rýhanı meıirimdilikti ushtastyra bilgen musylman qyzy.
- Reham Han (Pákistan)
Reham – jýrnalıs, jazýshy, telejúrgizýshi jáne óte ádemi áıel. Ol Amerıkada Bı-Bı-Sı telearnasynda kóp ýaqyt jumys istep, onda aýa raıy boljamyn júrgizgen, alaıda 2014 jyly Pákistanǵa oralyp, jergilikti saıasatker Imran Hanǵa úılenedi. Arabtarǵa bul neke dástúrli emes, ersi kóringen. Alaıda ol óz sulýlyǵy men aqyldylyǵynyń arqasynda kópke tanymal. Reham án men bıdiń shynaıy tabynýshysy, sondaı-aq shokoladty qatty súıetin adam retinde belgili. Ol saıahat jasaýdy jaqsy kóredi jáne 4 til biledi, eki joǵary bilimi bar. Rýhanı baı, mádenıetti musylman qyzy.
- Nesrın Tafısh (Palestına)
Nesrın Tafısh - úlken, gıpnozdy kózderi bar talantty palestınalyq aktrısa. Bolashaq juldyz Aleppoda dúnıege kelgen. Bala kezinen bastap tele-shoýlarda epızodtyq rólderdi somdap, 20 jasynda arabtyq oıyn-saýyq ındýstrıasynda tanymal adamdardyń biri boldy. 2011 jáne 2013 jyldary Nesrınge Palestınadaǵy eń ádemi áıel ataǵy berildi jáne ol jyl saıyn osy qurmetti ataǵyn sulýlyǵy men aqyldylyǵymen rastap keledi.
- Zarına Khan (Úndistan)
Zarına - uly jáne talǵampaz kórinetin shyǵys áıelderine jat sulýlyqqa ıe aktrısa jáne model. Ol úlken ekrannan túspeıdi, kóptegen tanymal brendterdi tanystyrýshy jáne álemdegi jetekshi sán dızaınerlerimen jumys isteıdi, qaıyrymdylyqpen belsendi aınalysady. Zarına oınaǵan barlyq fılmder úlken tabys jınap, Gollıvýdtyń eń kóp qaralǵan týyndysyna aınalady. Aktrısa shet elderge de tanylýda. Áıgili juldyz Salman Khanmen birge túsken "Vır" atty fılmi Zarına Khannyń atyn álemge tanytty. Jaqyn arada Zarına Khan Gollıvýdtyń jetekshi rejıserleriniń jobalarynyń birine qatysady.
- Mına Abý Sýleıman (Saýd Arabıasy)
Mına – AQSH-ta ósip, bilim alǵan amerıkalyq áıel. Eseıgende Saýd Arabıasyna kóship, azamattyq jáne saıası qyzmetke belsendi aralasyp, álemdegi eń bedeldi musylman áıelderdiń biri retinde tanyldy. Ol Saýd Arabıasyndaǵy áıelderdiń quqyǵyn qorǵap, eldegi buqaralyq aqparat quraldarynyń erkindigin arttyryp, Shyǵys pen Batys arasyndaǵy dıplomatıalyq baılanystardy ornatady. 2007 jyldan beri BUU-nyń izgi nıetti elshisi boldy. Mýna Sýleıman teledıdarda da úlken suranysqa ıe, ol arab tilindegi áıgili tok-shoýdyń júrgizýshisi.
- Sarın Abdelnır (Lıvan)
Sarın – dańqty ánshi. Ol eshqandaı qoldaýsyz óziniń 3 stýdıalyq álbomyn shyǵaryp, kópke tanymal boldy. Kóp uzamaı sulýlyǵy men aktrısalyq sheberligin baıqap, ol teledıdarǵa shaqyrtý alady. Osylaı 40 jastaǵy Sarın Abdelnır Lıvandaǵy eń baı jáne eń tanymal kınojuldyz bolyp sanalady. Kóptegen musylman áıelderden aıyrmashylyǵy, Sarın eýropalyq sándi unatady jáne jıi ashyq, dástúrli emes kıimderde kıinedi. Alaıda bul onyń óte sulý musylman qyzy ekenine esh shúbá keltirmeıdi.
- Mahra ál Maktým (BAÁ)
Mahra ál Maktým – Dýbaıdyń hanshaıymy, eń baı Sheıh Muhammed ál Maktýmnyń áıeli. Onyń kelbeti arab qyzdarynyń naǵyz sulýlyǵyn kórsetedi. Mahra – áleýmettik jelilerdiń belsendi paıdalanýshysy. Onyń Facebook paraqshasynan kóptegen fotosýretter men arab sulýynyń ómirindegi sońǵy jańalyqtardy bile alasyz.
- Mahıra Han (Pákistan)
Mahıra Han – Pákistannan shyqqan juldyz. Onyń fılmderi óte tanymal jáne úlken ekrandarda jıi kórinedi. Óz elindegi eń joǵary aqy tólenetin aktrısa boldy. Siz onyń talantyna "Soul mate" fılmindegi oıynyna qarap tań qalasyz. Mahıranyń emosıonaldyq rólderine óte joǵary baǵa beriledi.
- Faxpıe Evdjen (Túrkıa)
Fahrıe – talǵampaz, óte ádemi áıel jáne túrik kınosynyń eń talantty aktrısalarynyń biri. Ol «Quldyq úshin aqy» serıalyndaǵy róliniń arqasynda bedelge ıe boldy jáne «VOGUE» jýrnaly muqabasynyń ajaryn ashyp, álemniń jetekshi dızaınerleriniń shoýlarynda úlgi kórsetti. Biraq Faxpıe Evdjen sulý ǵana emes, úsh shet tilin (nemis, ıspan jáne aǵylshyn) meńgergen, sondaı-aq Stambýlda birneshe balalar úıin ashyp, qaıyrymdylyqqa kóp ýaqytyn bóletin meıirimdi musylman qyz.
- Sheıh Manal (BAÁ)
Sheıh Manal – óziniń keremet kóriktiligimen jáne belsendi saıası qyzmeti úshin Birikken Arab Ámirlikterine óte tanymal musylman áıel. Dızaın men marketıń salasynda eki joǵary dárejeli bilimi bar Sheıh Manal musylman qoǵamynda áıelderdiń jaǵdaıyn nyǵaıtýda mańyzdy ról atqarady. Ol barlyq áleýmettik, mádenı jáne ekonomıkalyq salalarda belsendilik tanytyp, musylman áıelderiniń quqyn qorǵaıdy. Sonymen qatar, Sheıh Manal – sýretshi. Onyń kóptegen jeke kórmeleri bar jáne jas arab sýretshilerine arnaıy granttar bólýmen aınalysady. Sheıh Manal – BAÁ-niń negizin qalaýshysynyń jary jáne eki kishkentaı balanyń anasy.
Pikir qaldyrý