13 mamyrda joǵalǵan 18 jasar Aıgúl Amangeldini izdestirý barysynda óli kúıinde tabylǵany týraly aqparat rozysk_kz Instagram-paraqshasynda jarıalanǵan bolatyn. Qyzdyń denesi 19 mamyr kúni Talǵar aýdany Belbulaq aýylynyń taýly aımaǵynda tabylǵan dep habarlaıdy Qamshy.kz aqparat agenttigi Almaty oblystyq Polısıa departamentine silteme jasap.
Ólimniń neden bolǵany sot-medısınalyq saraptamadan keıin anyqtalady, dep málimdedi Almaty oblystyq polısıa departamentiniń baspasóz qyzmeti. Aldyn ala boljam boıynsha stýdent sýısıd jasaǵan bolýy múmkin.
Esterińizge sala ketsek, Aıgúl Amangeldi 13 mamyr kúni Almatyǵa oqýyna ketkennen oralmaǵan, sodan keıin ony eshkim kórmegen.
"Qyzdyń máıitin týystary rastady, denesinde eshbir zorlyq-zombylyq belgileri anyqtalǵan joq", - dep kórsetilgen vedomstvada. Derek boıynsha QR QK 105-baby boıynsha is qozǵalyp, tergeý bastaldy.
Oqı otyryńyz:
♦ Almaty oblysynda joǵalǵan qyz óli kúıinde tabyldy
Usynǵan: Marjan Sábet
Pikir qaldyrý