Qazirgi kúni jaqsy jumys tólenetin jalaqysyna qaraı anyqtalady. Árıne, jalaqy biliktilikke, tájirıbege, talantqa jáne turatyn elge baılanysty ártúrli bolady. Eger siz bolashaq stýdent bolsańyz jáne neǵurlym kóp aqsha tabýǵa umtylsańyz, onda osy tizimmen tanysyńyz dep jazady Qamshy.kz aqparat agenttigi.
- Hırýrg
Búgingi kúni álemdegi hırýrgter joǵary jalaqy alý jaǵynan birinshi orynda tur. Tehnologıalyq progreske qaramastan jáne aldyńǵy qatarly medısınalyq jabdyqtar bar bolsa da, hırýrgterdiń aralasýynsyz eshqandaı operasıa jasalynbaıdy. Keıbir naýqastarǵa muqıat hırýrgıalyq kómek qajet etiledi. Eń joǵarǵy jalaqy qarapaıym dárigerlerge emes, kúrdeli operasıalardy oryndaýǵa qabiletti joǵary dárejeli mamandarǵa beriletinin este ustaǵan jón. Stomatologıalyq hırýrg pen plasıkalyq hırýrgtar da joǵary tabys tabady. Óte damyǵan elderde osy salany meńgerý úshin uzaq bilim alyp, qatań tájirıbeden ótedi. Eger qazaqstandyq maman shetelde jumys istegisi kelse, ol óz kásibıligin dáleldep, tolyq qaıta sertıfıkattaýdan ótýi kerek. Bul proses baratyn eldiń tilinde júredi jáne birneshe jyl boıy sozylýy múmkin. Amerıkada jáne Eýropalyq Odaqta hırýrgter aıyna 3000-8000 dollar jalaqy alady. Jas mamandar Fınlándıada jáne Polshada jumys taba alady, onda hırýrgterge arnalǵan bos oryndar kóp. Mundaı elderde tabys deńgeıi tómen bolsa da, Ulybrıtanıa men Shveısarıaǵa qaraǵanda mamanǵa degen talap áldeqaıta jeńil.
- Pılot
Atalǵan mamandyqtyń ıesi fızıkalyq jáne psıhıkalyq jaǵynan saý bolýy kerek. Olar logıkalyq jáne tehnıkalyq oılaý daǵdylaryna ıe bolýy qajet. Sebebi ushqyshtar jolaýshylardyń ómirine árqashan jaýapty. Avıasıalyq jabdyqtar áli kúrdelenip, damı túsedi, sondyqtan bul mamandyq únemi qabiletti mamandy qajet etedi. Ushqyshtar eń joǵary aqy tólenetin mamandyqtar tiziminde ekinshi orynǵa ıe. Qytaıda, AQSH-ta, Germanıada jáne Fransıada ushqyshtyń ortasha jyldyq jalaqysy 30 000 AQSH dollaryn quraıdy.
- Stomatolog
Stomatologtar jaqsy tabysqa ıe. Shetelde bilikti stamotolog jylyna 150 000-250 myń dollarǵa deıin jalaqy ala alady. Ol árıne kásibı sheberlikke baılanysty. Emtıhan tapsyrý arqyly ózińizdiń bilimińizdi dáleldep, tańdalǵan eldiń tilinde dıplomdy rastaý qajet. 3-4 jyl tájirıbeden ótý qajet bolýy múmkin. Amerıkada ótinish berýshige qolaıly jumys tabýǵa kómektesetin arnaıy baǵdarlamalar bar. Osyndaı tájirıbeden Birikken Arab Ámirlikteri, Chehıa, Germanıa jáne Avstralıa sıaqty basqa elderden ótýge bolady.
- Advokat
Advokat - bul basqa mamandyqtarǵa qaraǵanda kóp taralǵan mamandyq. Damyǵan elderdiń turǵyndary únemi óz isin jaqsy biletin turaqty jáne dáleldengen advokatqa ıe. Kez-kelgen kelisim, ajyrasý, neke týraly kelisim jáne tipti jumysqa qatysty máseleler quzyretti zańgerlermen sheshiledi. Joǵary dárejeli maman bolý úshin sizge ýaqyt pen belgili bir qabilet qajet. Eldiń tilin jaqsy bilý óte mańyzdy, sebebi bul sot otyrysynyń negizgi kúshi sóz bolyp tabylady. Sondaı-aq, jumys istegińiz keletin eldiń zańdaryn jaqsy bilýińiz kerek. Myqty mamandar aıyna 4000-5000 dollar tabys alady. Eger Amerıkadaǵy iri kompanıada jumys isteseńiz, bul soma jylyna 200 000 dollardy quraýy múmkin.
- Naryq sarapshysy
Bul mamandyqta basty artyqshylyq - analıtıkalyq oı. Munda jalaqy klıentterdiń deńgeıine baılanysty. Eger mamannyń basqarý salasynda, qarjy naryǵy men menedjment salasynda bilimi bar bolsa, onda ol kóp tapsyrys alady. Al jalaqy ýaqyt óte ósedi. Osy saladaǵy shetel ókilderiniń jyldyq mólsheri 260000 dollarǵa teń.
- IT mamany
Qazirgi kúni adamdar ınternetsiz, kompútersiz jáne mobıldi tehnologıasyz ómir súre almaıdy. Bálkim, osy sebepterge baılanysty baǵdarlamalaý búgingi kúni suranysqa ıe shyǵar, óıtkeni IT mamany bul qajettilikterdi jasaýshy ekeni belgili. Bul salada, kóbinese baǵdarlamalaý tilin jetik meńgergen jastar jumys isteıdi. Shetelde dıplommen jylyna 100 000 dollardan asa jalaqy alýǵa múmkindik bar.
- Basshy
Bul barlyǵyna jaýapty kompanıanyń bas menedjeri, tehnıkalyq menedjeri nemese basqa basty tulǵasy. Atap aıtqanda: uıymnyń kelisimsharttaryna, jumysty aldyn-ala josparlap, ınvestorlarmen kelissózder júrgizip, kredıtorlarmen máselelerdi sheshý sekildi jumystarǵa jaýapty. Osyndaı mamandyqtyń ıesi kóptegen adamdar men aqparattyq aǵyndardy basqarady. Joǵary laýazymdy atqarýshy tez beıimdelse, únemi jańa bilimge ıe bolady jáne ol shetelde jylyna 250 myń dollarlyq jalaqy alýǵa múmkindigi bar.
- Bıotehnologıa jáne gendik ınjenerıa salasyndaǵy maman
Qazirgi zamanda adamdar sanynyń ulǵaıýy men tamaq jetispeýshiligi paıda boldy. Bul máseleni sheshý úshin adamzat bıotehnologıa men gendik ınjenerıaǵa bet burdy. Genetıkalyq túrlendirilgen túrli aýrýlarǵa tózimdi ósimdikter men paıdaly ónimder óndirile bastady. Bul salanyń mamandarynyń jańa jetistigi ósimdikterden basqa jasandy adam aǵzalaryn da jasaı bastady. Sondyqtan genetıkalyq ınjenerıa mamandary joǵary suranysqa ıe bolyp otyr.
- Jarnama menedjeri
Kóptegen fabrıkalar, fırmalar, uıymdar men kompanıalar óz ónimin ótkizý úshin halyqqa unamdy etip usynýy kerek. Jarnamanyń joǵary deńgeıdegi elderde óte damyǵany tańqalarlyq emes. Mundaı mamandyqtarǵa suranys ta óte joǵary. Maman tutynýshydan kóp aqsha alatyndaı, ónimdi sheber usynýy kerek. Germanıada bul salanyń mamanyna jaqsy jumys úshin 5 500 evro tólenedi.
- Seleksıoner
Ósimdikterdiń jańa sortyn ósirýge arnalǵan óris tez damyp keledi, bul jaqsy tuqymdyqtarǵa degen suranysty arttyrady. Tájirıbe men bilimi joǵary bilikti mamannyń jalaqysy jylyna 100,000 dollarǵa jetýi múmkin.
Sondyqtan bolashaq mamandyǵyńyzdy tańdaǵanda, ár mamannyń óz salasyn jaqsy bilýi kerek ekenin eskerińiz. Bul óte mańyzdy.
Pikir qaldyrý