"Sen keremetsiń!" mýzykalyq jobasynyń jartylaı fınalısi Iýsýp Alıevke Ahmat Qadyrov atyndaǵy áleýmettik qor taǵaıyndaǵan Groznyı qalasynyń ortalyǵynan 3 bólmeli úı berildi. NTV telearnasynyń efırinde Mýslım Hýchıev balaǵa kiltti ózi tabystady dep habarlaıdy Qamshy.kz aqparat agenttigi Rambler saıtyna silteme bere otyryp.

"Ol jartylaı fınalǵa deıin óte joǵary deńgeıdiń qandaı bolatynyn kórsetti, biraq qazylar alqasy fınalda basqa qatysýshylardy kórgisi kelgen eken. Kórermenniń ystyq yqylasy men mamandardyń qurmetine ıe bolǵan Iýsýp úshin bul da nátıje. Qorytyndy saıys kúni Mýslım Magomedovıch Ahmat-Hadjı Qadyrov atyndaǵy áleýmettik qordyń sheshimimen Groznyı qalasynyń ortalyǵynan jıhazdarmen jabdyqtalǵan 3 bólmeli páterdi syıǵa tartty",- dep jazady Ramzan Qadyrov óziniń áleýmettik jelidegi paraqshasynda.

Qadyrovtyń aıtýynsha, Iýsýptyń aldaǵy vokal jáne sahnalyq sheberlik sabaqtaryn óz moınyna alady. Endi jas balanyń talantyn barlyq qyrynan ashyp, mamandar  ony elge tanymal etýge tyrysady.

Aýdarǵan: Bek Baıtas