Nur-Sultan qalasynda sýǵa batyp bara jatqan qyzdy qutqarý kezinde qaza tapqan áskerı qyzmetker Erlan Raıymqulov marapattalmaq dep habarlaıdy Qamshy.kz aqparat agenttigi Tengrinews.kz saıtyna silteme jasap.

"Prezıdent – Joǵarǵy Bas qolbasshy Qasym-Jomart Toqaev kishi serjant Erlan Raıymqulovty «Jaýyngerlik erligi úshin» tósbelgisimen marapattaý týraly jarlyqqa qol qoıdy», - dep málimdedi QR Áýe qorǵanys kúshteriniń baspasóz qyzmeti.

Marapatty 22-mamyrda Áýe qorǵanys kúshteriniń bas qolbasshysy, general-maıor Nurlan Qarbenov marqumnyń áıeline tabystaıdy.

"Dostary men áriptesteri ony baýyrmal jáne aınalasyndaǵylardyń máselesine beıjaı qaramaıtyn jaqsy jan edi dep eske alady. Ol úlgili áke bola bildi. Ákeleriniń erlik isterin maqtana aıtyp júretin eki ul tárbıeledi", - delingen habarlamada.

Esterińizge sala keteıik, qaıǵyly oqıǵa 10-mamyr kúni saǵat 12.10-da Esil ózeniniń "Gazmashapparatýra" saıajaı aýmaǵynda oryn alǵan. Sýǵa batqan ıtin qutqarýǵa tyrysqan qyz balanyń ózi de ózenge batady. Ózen jaǵasynda balyq aýlap otyrǵan er adam qyzdy qutqaryp qaldy. Alaıda, 1981 jyly týylǵan er adam aǵysqa tótep bere almaı, sýǵa tunshyǵyp kóz jumǵan edi.