Bul týraly Tekserý komıtetiniń Tóraǵasy Rýslan Bektemir aıtty, dep habarlaıdy Óńirlik komýnıkasıalar qyzmeti.

2018 jyly Atyraý oblysynyń ákimdigi jergilikti mektep túlekterine bilim berý, densaýlyq saqtaý, aýyl sharýashylyǵy, jeńil ónerkásip salalarynda maman daıyndaýǵa jergilikti búdjet esebinen JOO-na 231 grant bólgen bolatyn.

2019 jyly Atyraý oblysynyń ákimdigi alǵash ret osy mamandyqtarmen qatar "memlekettik aýdıtor" mamandyǵyna jergilikti búdjetten 10 bilim grantyn bóledi.

Atyraý oblystyq Tekserý komısıasynyń Tóraǵasy Rýslan Bektemirdiń aıtýynsha, aımaqta memlekettik aýdıt pen qarjylyq baqylaý organdarynda maman tapshylyǵy bar.

-Osyǵan baılanysty bilim berý basqarmasymen birlesip, kásiptik-tehnıkalyq, orta jáne orta-arnaıy bilim berý mekemeleriniń túlekteri arasynda aqparattyq-túsindirý jumystaryn júrgizip jatyrmyz. Maqsat- oblys ákiminiń "memlekettik aýdıtor" mamandyǵy boıynsha memlekettik grantyna úmitkerlerdi daıyndaý jáne irikteý,- deıdi R.Bektemir.-Bul shara óńirdegi memlekettik aýdıt pen qarjylyq baqylaý salasynda bilikti mamandardyń tapshylyǵyn azaıtýǵa baǵyttalǵan, jergilikti mamandardy oqytýdyń ekonomıkalyq tıimdiligi de bar.