Jańa Zelandıada meshitte adamdardy atqan er adamǵa qarsy aıyptaý isi bastaldy. Bul týraly Qamshy.kz aqparat agenttigi Jańa Zelandıanyń polısıa saıtyna silteme jasap habarlaıdy.

Brenton Tarrant 92 qylmys boıynsha: 51 ólim, 40 adamnyń ómirine qastandyq jasaý boıynsha  jáne terakt jasady dep aıyptalyp otyr.

Jańa Zelandıa tarıhynda alǵash ret el azamaty terakt boıynsha aıyptalyp jatyr. Sarapshylardyń aıtýynsha, Tarrant 14-maýsym kúni sot aldynda jaýap beredi. Qazirgi tańda ol qamaýda otyr. Sonymen qatar, oǵan qarsy is qozǵaý úshin, psıhologıalyq saraptamadan ótýi kerek.

Esterińizge sala keteıik, 2019 jyly 15 naýryzda  Jańa Zelandıadaǵy Kraıscherchte (Ońtústik aral) eki meshitte atys bolyp, sonyń saldarynan 51 adam qaza tapty, taǵy 50-i túrli jaraqattar aldy. Eldiń premer-mınıstri bul oqıǵanyń terakt ekenin aıtty. 28 jastaǵy Brenton Tarrant adam óltirgeni úshin aıyptalyp otyr. Eskerte keteıik, senbide sot ony 5 sáýirge deıin abaqtyǵa qamady.

Aýdarǵan: Ildar Adılchenov