QMDB-nyń Óskemen aımaqtyq ókildiginiń bastamasymen Óskemende elimizde tuńǵysh ret «Ramazan ata» jobasy júzege asa bastady dep jazady Qamshy.kz aqparat agenttigi. 

Qasıetti juma kúni «Ramazan ata» Óskemen qalasyndaǵy múmkindigi shekteýli balalarǵa arnalǵan «Arnaýly mektep ınternatyna» baryp, ondaǵy balǵyndarǵa «Ramazan syıyn» úlestirip, elimizge beıbitshilik tilep, aq batasyn berdi.

«Ramazan ata» – ókildiktiń ıdeıasymen júzege asqan, ulttyq qundylyqtardy dástúrli ıslammen úılestire damytyp, jastarǵa tanymdyq tárbıe berý maqsatyndaǵy joba. «Ramazan atany» mekemeler asa jyly yqylaspen qabyldap, qazirdiń ózinde arnaıy shaqyrý berip jatyr»,– dep atap ótti oblystyq «Halıfa Altaı» meshitiniń qyzmetkeri.

Joba qazaqtyń dástúrli tanymyn nasıhattaý, ulttyq qundylyqtardy jańǵyrtýǵa baǵyttalǵan. Ata-ultymyzdyń tanymynda berekettiń, jaqsylyqtyń, ıgiliktiń belgisi. Aıaz ataǵa balama retinde osyndaı «Ramazan atalar» shyǵyp, bata berip, bazarlyq úlestirip júrse qandaı jarasymdy bolar edi. Osyndaı sátti joba shyǵysta bastaý alyp otyr.

«Ramazan ata» ókildikten uıymdastyrylatyn barlyq qaıyrymdylyq sharalaryna qatysady.

Shyǵys Qazaqstan oblystyq

«Halıfa Altaı» meshitiniń baspasóz qyzmeti

Usynǵan: Ásel Bolatqyzy