Keshe Ermurat Bapı bastaǵan qoǵam belsendileri Fransıada bas qosty dep jazady Qamshy.kz aqparat agenttigi. Atalmysh jıynǵa burynǵy premer-mınıstr Ákejan Qajygeldın men Atyraý oblysynyń eks-ákimi Bergeı Rysqalıev qatysqan.
Ákejan Qajegeldın sóz basynda buryn laýazymdy qyzmette júrgenderdiń kóbisi shet elde qashyp júrgenin aıtty. Sondaı-aq ol Bergeı Rysqalıev týraly da aıtyp berdi.
"Bergeıdiń taǵdyry da, ómiri de basqasha. Menen Bergeı týraly Ulybrıtanıanyń saıası basshylyǵynyń ókilderi surastyrǵan bolatyn. Olarǵa Bergeıdi kópten beri tanıtynymdy aıttym. Sol kezde ol Aslan Mýsınniń qasynda júrgen qurylysshy jas jigit edi. Ol Nazarbaevtyń týysqany ǵana emes. Nazarbaevqa myqty, qolynan is keletin jigitter kerek boldy. Qalypty jaǵdaı boıynsha Bergeıdi qasyna aldy. Ne sebepti Nazarbaev Bergeıdi qýǵyndady? Ne sebepti Hrapýnov ketip qaldy? Nelikten araǵa 10 jyl salyp baryp qylmystyq is qozǵaldy? Bireýlerdiń yqpal etkeni anyq. Bergeı Rysqalıev óz betinshe shetelge ketip qaldy. Ol Nursultan Nazarbaevqa qaýipti emes edi. Biraq Bergeı jas jaǵynan alyp qaraǵanda Darıǵa úshin qaýipti boldy. Men kezinde Ǵalymjan Jaqıanovpen Parıjde kezdesip qaldym. Sol kezde "Sen jáne Áblázov shatasyp júrsińder. Senderdiń qarsylastaryń men emes. Tipti Nursultan Nazarbaev ta emes. Senderdiń basty qarsylaryń – Darıǵa Nazarbaeva" dep aıtqan bolatynmyn. Sebebi olar Bergeıdi qýǵyndaý arqyly, Darıǵaǵa jol ashyp berýde. Bergeı týraly 2 sarapshynyń qorytyndysyn oqydym. Bireýi – ataqty ǵalym. Al ekinshisin burynǵy FBR dırektory jazǵan. Mundaı qujatpen Bergeı emin – erkin júre alady. Ol jumys isteıdi, demalady. Sondaı-aq jazyqsyz kúıip ketken óz komandasyna qol ushyn sozyp, arnaıy advokat jaldady. Endi Bergeı Qazaqstannyń saıası ómirine aralaspaq. EýroOdaqtyń birde-bir saıası ınstıtýtynda Bergeıge qatysty eshqandaı másele joq ekenin naqty aıta alamyn. Ony qazir túrli sharalarǵa shaqyrady", - deıdi Ákejan Qajygeldın.
"Al men Qazaqstannyń saıasatyna burynnan aralasyp júrmin. Sol kezde belgili bir ózgeris jasaǵym keldi. Alaıda bul múmkin emes edi. Eger men elde qalatyn bolsam, kem degende 15 jylǵa sottalar edim. Túk isteı almas edim. Bir-eki shyndyqty aıtarmyn. Biraq temir tordyń ar jaǵynda otyryp túk bitirmeıtinimdi túsindim. Biraq syrttan qandaı-da bir áreket jasaı alatynymdy bildim", - deıdi Bergeı Rysqalıev.
Daıyndaǵan: Ásel Bolatqyzy
