Sybaılas jemqorlyqqa qarsy is-qımyl jónindegi ulttyq búronyń tóraǵasy Qaırat Sóntaev aǵaıyndy Rysqalıevterdiń urlaǵan aqshasyn qaıtarý boıynsha qandaı jumys atqarylyp jatqany týraly baıandady dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

Onyń aıtýynsha, aǵaıyndy Rysqalıevterge qatysty sot úkimi boıynsha urlanǵan qarajatty memleketke qaıtarý sharalary da eskerilgen. Onyń ishinde Andorradaǵy 14 mıllıon jáne Shveısarıadaǵy 90 mıllıon dollar da bar. 

"Sondaı-aq, sottalǵandardyń 3 mıllıard teńgeniń múlki tárkilendi. Onyń ishinde Atyraý oblysy men Aqtóbe oblysynda ornalasqan 170 jyljymaıtyn múlik bar. Budan bólek, kináli azamattardan zańsyz kelisimsharttardyń negizinde túsken 12 mıllıard teńge tárkilendi", - dedi Sóntaev baspasóz máslıhatynda.

Búro basshynyń sózine qaraǵanda, sotqa deıingi tergeý kezinde 3 mıllıard teńge memleket menshigine qaıtaryldy. Aǵaıyndy Rysqalıevter bul aqshany jyljymaıtyn múlikti memlekettik balanstan shyǵarý arqyly ıemdengen.

Usynǵan: Marjan Sábet