Belsendi Ardaq Áshim óziniń Facebook paraqshasyndaǵy tikeleı efırde 9-maýsym kúni ótetin kezekten tys prezıdent saılaýyna qatysty óz oıyn bildirdi dep jazady Qamshy.kz aqparat agenttigi.

Onyń paıymdaýynsha, saılaýda Toqaev nemese Qosanov jeńse de, Nazarbaevtyń sózimen ǵana júredi. Ol ózi baıkot jarıalaýǵa shaqyrýda.

“Nazarbaev bılikti basqarýda. Ol ózine qaýipti adamdy saılaýǵa jibermeıdi. Qosanovty qoldaıtyn zıalylar kóp eken. Biraq halyq olardyń sózine senip, aldanyp jatyr. Qosanovtyń buryn Jasaral Qýanyshalın aǵamyz saılaýǵa túskisi keldi. Bİraq bılik tarapynan ártúrli kedergiler oılap tapty. Ol kisi óte almady. Óıtkeni, ol óz kózqarasy qalyptasqan saıasatker bolatyn. Saılaýǵa tek bıliktiń qýyrshaq adamdary qana ótedi. 30 jylda bizde eshqandaı saılaý bolǵan emes, bolmaıdy da. Bizdiń boıkot jarıalap otyrǵan sebebimiz – zańsyz saılaýdy boldyrmaý”, - dedi Ardaq Áshim.

Onyń aıtýynsha, bul saılaý Qazaqstan Respýblıkasynyń Konstıtýsıasyn buzyp otyr.

“Eger zań boıynsha úmitker memlekette sońǵy 15 jyl turý kerek bolsa, nege Qasym-Jomart Toqaev prezıdenttike ótedi”, - dep oıyn aıaqtady.

Onyń oıynsha, eger barlyǵy zań boıynsha ótse, shet elderge qýylǵan saıasatkerler qaıta oralyp, saılaýǵa túsedi. Mysal retinde, Muhtar Áblázov pen Ákejan Qajygeldındi eske aldy.

“2 jyldaı DVK qozǵalysynyń basshysy Muhtar Áblázov kún saıyn qazaqstandyqtardyń saıası bilimin ashty. Ol elim, jerim dep ter tógip júrgen azamat. Ony bılik qaraqshy retinde kórsetti”, - dedi Ardaq Áshim.

Sóziniń sońynda ol qytaılyqtardyń Qazaqstan jerine jerin alyp jatqany týraly oıyn bildirdi.

“Qytaıǵa qazaq jerine qolyn tıgizbeý kerek. Shyǵys Qazaqstanda jer satyp alyp, qus fabrıkasyn salamyz dedi. Qaı damyǵan memkelet bolsyn, eshqashan óziniń tamaq ındýstrıasyn basqa elge bermeıdi. Nege bizdiń zıalylarymyz bul týraly sóılemeıdi”, - dep tikeleı efırin aıaqtady.

Daıyndaǵan: Ildar Adılchenov