Mańǵystaý oblysynyń ákimi Eraly Toǵjanov Uly Otan soǵysy ardagerlerimen kezdesti.

1941 jyly surapyl soǵysqa Mańǵystaý ólkesinen 6388 er-azamat attanǵan. Onyń 4200 elge oralmaı, jat jerdiń topyraǵy buıyrǵan. Búgingi kúnde osynaý sum soǵys jańǵyryǵy qashyqtaǵan saıyn, onyń otty kúnderin bastarynan ótkergen aǵa urpaq ókilderiniń sany da kún sanap azaıýda. Kezdesýge oblysta qalǵan 16 ardagerdiń segizi qatysty. Olar Dostyq úıinde, bir shanyraqtan astynda, bir úıdin balasyndaı tatý-tátti, birlikte ómir súrip júrgen 22 etnomádenıet ortalyqtarynyń merekelik konsertine kýá boldy. Merekelik dastarhannan dám tatyp, soǵys jyldarynan syr sherter beınerolıkterdi tamashalady. 

Qazirgi ýaqytta Mańǵystaý oblysynda Uly Otan soǵysynyń ardagerleri tolyqtaı turǵyn úımen qamtamasyz etilgen. Sharada oblys ákimi Eraly Toǵjanov ardagerlerdi quttyqtap, olardyń erligi umytylmaıtynyn aıtty.

«Qurmetti ardagerler, Bul – Otan qorǵaý jolyndaǵy óshpes erlik pen ólsheýsiz dańqtyń, halqymyzdyń qaısarlyǵy men qaharmandyǵynyń merekesi. Sizderdiń maıdan shebindegi teńdessiz erlikterińiz ben tabandylyqtaryńyz ǵasyrlar boıy jasaı beredi. Jyldar boıy sum soǵysqa shydaı bilgenderdi jylyna bir ret emes, saǵat saıyn qurmetke bóleý bizdiń paryzymyz» – dedi oblys basshysy.