«Aýyl sharýashylyǵyn qarjylaı qoldaý qory» AQ Mańǵystaý fılıalynyń dırektory  Murat Baımaǵambetovtyń aıtýynsha, 2019 jylǵa oblysqa qaralǵan 1 244 089,0 tengeniń 746 453 400,0 tengesi «Aýyl sharýashylyǵyn qarjylaı qoldaý qory» AQ Mańǵystaý fılıaly arqyly nesıelenetin bolady.

Ótken jyly atalǵan baǵdarlama boıynsha oblysqa bólingen 1 244 089,0 tengeniń 821 837 200,0 tengesi 210 nesıe alýshyǵa qor arqyly berildi. Budan bólek basqa da baǵdarlamalar arqyly 23 adamǵa qosymsha 130 750 000,0 teńge shaǵyn nesıe berildi. 2018 jyly barlyǵy 233 kásipkerge 952 587 200,0 tenge berildi. Oblys boıynsha qosymsha 335 jumys oryny ashylyp otyr.

Jalpy, 2019 jyly shaǵyn nesıege barlyǵy 944 302000,0 tenge qaralǵan. Bul qarajatpen 262 kásipkerlik sýbektilerin qamtamasyz etý josparlanǵan. Nesıe jyldyq 6%, 84 aıǵa deıin beriledi. Nesıe kólemi, merzimi qordyń nesıeleý sharttaryna sáıkes júrgiziletin bolady.

Baǵdarlama ákimshiligi oblystyq aýyl sharýashylyǵy basqaramasy jáne oblystyq ákimdikpen qor arasyndaǵy úsh jaqty nesıeleý sharty jasaqtaldy. Baǵdarlamaǵa qatysýshylardan ótinishter qabyldaýy bastaldy. Búginge 67 150 000 tenge bolatyn 18 ótinish qabyldandy.

Budan bólek, ótken jyldary berilgen nesıeniń qaıtarym qarajaty esebinen 31 kásipkerge 118 097 000,0 teńge berildi.