Qaraǵandy oblysy Jańaarqa aýdany Atasý aýylynda 28-mamyrdyń kúni qoǵam belsendisi Ǵaly Baqtybaevty óltirip ketti dep habarlaıdy Qamshy.kz aqparat agenttigi NV.KZ portalyna silteme jasap.

Ǵalynyń qaryndasy Záýre Baqtybaevanyń aıtýynsha, aǵasyna qarsy qoqan-loqy kóp boldy. Ótken jyly belgisizder onyń úıiniń terezesin syndyryp, kóligin órtep ketken. Keıin qońyraý shalyp irilik kórsetetin.

Jergilikti turǵyndardyń aıtýynsha, Ǵaly Baqtybaev qoǵamdyq jumystarmen aınalysyp, halyqty tolǵandyrǵan máselelerdi kóterip kelgen.

Belsendi Aıtqoja Fazylovtyń aıtqan sózine sensek, oǵan deıinde onyń ómirine qastandyq jasaldy. Bul aqpan aıynda bolǵan. Túnde Baqtybaevtyń úıine maska kıgen belgisizder kelip, ony soqqyǵa jyqqan.

Atalǵan faktige baılanysty Qylmystyq Kodekstiń 99-baby 1-tarmaǵy "Adam óltirý" aıybymen qylmystyq is qozǵaldy. Qylmysty ashý, kúdikti azamattardy ustaý maqsatynda departamenttiń jáne Jańaarqa aýdandyq polısıa bóliminiń tájirıbeli qyzmetkerlerinen jedel tergeý toby jasaqtalyp, qylmystyń izin kesý boıynsha keshendi is-sharalar atqarylýda. Tergeý barysy oblystyq polısıa jáne prokýratýra basshylyǵynyń baqylaýynda. Ózge aqparattar QR QPK-niń 201 babyna sáıkes jarıalanbaıdy.

Belsendiniń artynda 5 balasy qaldy.

Aýdarǵan: Ildar Adılchenov