Qyzylorda oblysy Jańaqorǵan aýdany Kelintóbe aýylynyń turǵyny, aýdandyq máslıhattyń depýtaty Turdaly Qaldybaev Qamshy.kz aqparat agenttiginiń tilshisine aýdan ákimi "Ǵalym Ámireevtiń júrgizip otyrǵan saıasatyna aýdan turǵyndarynyń basym bóligi qarsy" ekenin aıtty. Depýtattyń aıtýynsha, oǵan sebep - Ǵalym Ámireev Jańaqorǵanǵa ákim bolyp kelgen sátten bastap aýdan aýmaǵynda "sybaılas jemqorlyq áreketteri kóbeıip, ákimdik qyzmetkerleri laýazymynan negizsiz bosap jatyr".

Daýdyń basy 

Qazaqstan Respýblıkasynyń
Prezıdenti Q. K. Toqaevqa
Qazaqstan Respýblıkasy Joǵarǵy
Sotynyń tóraǵasy J. Q. Asanovqa
Qazaqstan Respýblıkasynyń
Bas Prokýrory Ǵ. D. Nurdáýletovke
Qazaqstan Respýblıkasy
sybaılas jemqorlyqqa qarsy
is-qımyl agenttiginiń tóraǵasy
A. J. Shpekbaevqa
Qyzylorda oblysy, Jańaqorǵan aýdanynyń seksen bes myń
halqynyń atynan bir top turǵyndar aýdan ákimi Ǵalym Mahmýtbaıuly
Ámireevtiń qatysymen aýdanymyzda bolyp jatyrǵan zańsyzdyqtar men
sybaılas jemqorlyq qylmystarǵa nazar aýdarýlaryńyzdy talap etemiz.
Ǵ. Ámireev aýdanǵa ákim bolyp kelgeli eldiń ishi nildeı buzyldy.
Aýdan ákimi elge Qyzylordada ózimen birge jumys jasaǵan komandalas
jigitterin ala keldi. Atap aıtqanda Ábýnasyr Bekishevti aýdan ortalyǵy
Jańaqorǵan kentine ákim, Dúısekeev Jasulandy aýdan ákimi apparatynyń
kadr máseleleri jónindegi bas ınspektor, Qızatov Baqytty «JańaqorǵanBirlestik» qoǵamdyq qoryna jetekshilikke qoıady.
Kóp uzamaı barlyq mekeme basshylary men aýyl ákimderin
kezektilikke qoıyp, «aýdan ákiminiń tapsyrmasy», «oblys ákimdiginiń
tapsyrmasy» degen jeleýlermen jylyna 2-3 retten qomaqty alym jınap
otyrýdy júıeli túrde ornatady.
Aýdan ákimdiginde qyzmet isteıtin memlekettik qyzmetshilerdi jikjikke bólip tastap, qarsy kelgenderin qýdalap, zańsyz jumystan
bosatqan.
Ózine adal, jeke basyna berilgendik qasıeti boıynsha
baǵalanǵandardy qamqorshylyǵyna alyp, kemshiligin keshirip, qyzmetin
joǵarylatyp, keıbiriniń aǵaıynyn aýdannyń qurmetti azamattyǵyna
usynady.
Atap aıtqanda ishki saıasat bóliminiń bastyǵy Ábilǵazy Tólegenovti
aýyl ákimderiniń saılaý nátıjesin burmalap ústinen qylmystyq is
qozǵalsa da, ózine adaldyǵyn baǵalap osy tańǵa deıin qyzmetinen
bosatpaı, qaıta aýdan ákiminiń orynbasary qyzmetine taǵaıyndaýǵa
jantalasýda. Qorǵany myqty Tólegenov zańsyz áreketterin álide
jalǵastyrýda
Burynǵy qarjy bóliminiń bastyǵy Salybekov Adaıdy ertip kelgen
kómekshisi J. Dúısekeevtiń áıeline jumys istemese de birneshe aı zańsyz
eńbekaqy tólep otyrǵany úshin aýdan ákiminiń orynbasary etip
taǵaıyndaıdy.
Taǵy biri aýdandyq jumyspen qamtý bóliminiń bastyǵy Ahmetov
Halıtti jaǵympazdyǵy úshin, jumystaǵy kemshilikterine kóz juma qarap,
elge aryzqoı «obkom» atymen tanylǵan aǵasy Ahmetov Abdrahmandy
quıtyrqy árekettermen qurmetti azamattyqqa ótkizedi.
Qazirgi tańda Ámireevtiń Qyzylordadan kelgen komandalasy
Jańaqorǵan kentiniń ákimi A.Bekishevke qylmystyq kodeks (189-bap. Senip
tapsyrylǵan bóten múlikti ıemdenip alý nemese talan-tarajǵa salý)
boıynsha sot prosesi bastaldy.
Para alýmen ustalǵan Dúısekeev Jasulannyń isi aýdandyq sotqa
qylmystyq kodekstiń 190 babyna ıaǵnı qyzmet babyn paıdalanyp jasalǵan
alaıaqtyqqa aýystyrylyp, sottyń alǵashqy otyrysy ótti.
Ákimge adal berilgen Ahmetov Halıt qylmystyq kodekstiń 366 baby
boıynsha (para alý) iri kólemde para alǵany úshin kúdikti dep tanylyp,
tergeý júrgizilýde.
Al, taǵy bir shtattan tys Qyzylordadan erip kelgen kómekshisi Qızatov
Baqyt «Jańaqorǵan-Birlestik» qoǵamdyq qorynyń bylyqtaryna
baılanysty tekserilýde.
Ákimmen birge júrip, birge turatyn (qyzmettik úıde) kómekshileriniń
zańsyzdyqpen aınalysyp júrgeninen habarsyzbyn degen Ámireevtiń
sózine kim senedi. Bolmasa bir eldi basqaryp otyrǵan aýyl ákimderi men
bólim bastyqtary jas balalardyń suraǵanyn bere beretin aqymaqtar ma?
Sondyqtan, osy jaǵdaıdyń barlyǵyna aýdan ákimi Ámireev yńǵaı bergen
dep esepteımiz. Osy qylmystarǵa baılanysty qanshama aýyldyń ákimderi
men mekeme bastyqtary shatylyp, jaýap berýde. Qazirgi ýaqytta aýdanda
qoǵamdyq saıası ahýal shıelenistiń aldynda tur.
Jaqynda áleýmettik jelide T. Qaldybaevtyń Prezıdent
Q. Toqaevqa, A. Shpekbaevqa málimdemeleri shyqty. Bolyp jatyrǵan
jaǵdaılarǵa arnaıy resmı baǵa berip, baıandap jatyrǵan quzyrly
organdar bolsa da únsiz.
T. Qaldybaevpen jolyqqanymyzda ózinde bar aqparattarmen
bólisip, Ámireev pen onyń komandalastarynyń aýdanda jasap jatqan
óreskel zańsyz áreketteri jóninde Prezıdent ákimshiliginen bastap,
barlyq joǵary turǵan organdarǵa 2018 jyldyń qazan aıynda jazǵan
shaǵymymen tanystyq. Joǵarǵy oryndarǵa joldaǵan shaǵymyna oblys
ákimi apparatynan zań buzýshylyqtar anyqtalmady dep jaýap kelgen.
Taǵy bir túsingenimiz, laýazymdy tulǵa aýdan ákimdiginiń bas ınspektory
J. Dúısekeevtiń isin qarjy polısıasy qylmys kodeksiniń 366 babynan
alaıaqtyqqa 190 babyna aýystyryp sotqa joldaǵan. Al, J. Dúısekeevtiń
áıeline jumys istemese de zańsyz aılyq tólegeni men soǵan sáıkes zańsyz
járdemaqy taǵaıyndaǵany jónindegi shaǵymyn jyly jaýyp qoıa salǵan.
Al, aýdan ákiminiń yqpalymen Jańaqorǵan-Birlestik qoǵamdyq qory
boıynsha atqarylmaǵan jumystarǵa qarajat tóleý, jumsalǵan
shyǵyndardyń qunyn negizsiz arttyrý, jalǵan qujattar arqyly
jumsalǵan qarajattardy búrkemeleý sıaqty qarjylyq bylyqtary bola
tura, ekonomıkalyq qylmys sıpatyn ózgertip, is-materıaldaryn ishki
ister salasyna joldaǵan. Sonda qarjy polısıasy osy zańsyzdyqtardy
anyqtaýǵa bilimi men tájirıbesi jetpeı jatyr ma? Bolmasa
zańsyzdyqtardy anyqtaýǵa dálelder jetkilikti emes pe?
Biz ózimiz zerdelep jáne zańgerlermen aqyldasa otyryp,
J. Dúısekeevtiń isin durys dárejelenbegen dep oılaımyz. Sebebi,
Normatıvtik quqyqtyq aktiler týraly zańda Kólemi aýqymdy normatıvtik
quqyqtyq aktilerdiń mazmuny jaǵynan jaqyn baptary (tarmaqtary)
taraýlarǵa biriktiriledi. Endeshe Qylmystyq kodekstiń 15 taraýyna
(15-taraý. MEMLEKETTIK QYZMET PEN MEMLEKETTIK BASQARÝ
MÚDDELERINE QARSY SYBAILAS JEMQORLYQ JÁNE ÓZGE DE
QYLMYSTYQ QUQYQ BUZÝSHYLYQTAR) jatqyzylǵan 366 baptaǵy
para alý isin, 6 taraýda (6-taraý. MENSHIKKE QARSY QYLMYSTYQ
QUQYQ BUZÝSHYLYQTAR) qarastyrylǵan usaq-túıek jymqyrý, urlyq
sıaqty istermen qatar dárejelep, 190 bappen alaıaqtyq dep
qarastyrǵanyn kórip, shynynda da ákim men onyń komandasyn qoldaýshy
yqpaldy tulǵalar bar ma degen oıǵa qalamyz.
Qurmetti el senimin arqalaǵan azamattar!
Elimiz shyn máninde Konstıtýsıada kórsetilgen zaıyrly, quqyqtyq,
demokratıaly memleket dep esepteıtin bolsańyzdar, Jańaqorǵan
aýdanynyń ákimi Ǵ. Ámireevtiń zańsyz áreketin áshkerelep, naqty, shynaıy
jáne túbegeıli sheshim qabyldaýlaryńyzdy TALAP ETEMİZ.
Shyndyqqa qol jetkize almaǵan jaǵdaıda táýelsiz buqaralyq
aqparat quraldaryn qatystyra otyryp, narazylyq aksıasyn
ótkizetinimizdi jetkizemiz.