Prezıdent Qasym-Jomart Toqaev Qytaı Halyq Respýblıkasynyń Tóraǵasy Sı Szınpındi Astana áýejaıynda saltanatty túrde qarsy aldy. Bul týraly Aqorda baspasóz qyzmeti habarlady.
— Saltanatty rásim kezinde Qurmet qaraýylynyń rotasy sap túzep, mártebeli meımanǵa qurmet kórsetti. Qazaqstan men Qytaıdyń týlary beınelengen jalaýshalardy ustaǵan balalar delegasıany erekshe qoshemetpen qarsy aldy, — delingen resmı málimdemede.
Aıta keteıik, Qytaı kóshbasshysy mingen ushaq Qazaqstan shekarasynan bastap elordaǵa deıin Qazaqstan Respýblıkasynyń Áýe qorǵanys kúshteriniń joıǵysh ushaqtarynyń súıemeldeýimen ushty.
Sı Szınpınniń sapary aıasynda Astanada «Ortalyq Azıa – Qytaı» atty ekinshi ındýstrıalyq-ınvestısıalyq yntymaqtastyq forýmy ótip jatyr.
