İshki ister mınıstri Erjan Sadenov Qýandyq Bıshimbaevtyń inisi Baqytjan Baıjanovtyń shartty túrde merziminen buryn bosatylýyna qatysty pikir bildirdi.

– Barlyq sheshim sot arqyly qabyldanady. Úkim shyǵarylǵan. Al shartty túrde merziminen buryn bosatý – árbir is boıynsha jekeleı qaralatyn másele. Bul sheshimdi tek sot qabyldaıdy, – dedi ishki ister mınıstri Erjan Sadenov.

Onyń málimetinshe, qazirgi ýaqytta Baqytjan Baıjanovtyń shartty túrde merziminen buryn bosatylýyna qatysty sotqa eshqandaı materıal túspegen.

– Qazirgi kezde Bıshimbaevtyń baýyryna qatysty mundaı materıaldar kelip túsken joq. Eger ol nıet bildirse, bul máseleni sot qaraıdy, – dep naqtylady mınıstr.

Eske sala keteıik, Saltanat Núkenovanyń ólimine qatysty sot úkimi 2025 jylǵy 13 mamyrda shyqty. Sot sheshimi boıynsha marqumnyń kúıeýi Qýandyq Bıshimbaev 24 jylǵa, al Baqytjan Baıjanov 4 jylǵa bas bostandyǵynan aıyryldy.