Bul týraly qoǵam belsenlisi Abzal Dostıar feısbýk paraqshasynda súıinshi surap jazdy.

Soltústik Qazaqstan oblysynda turatyn Jansulý Darhambaevanyń perzenthanadan birden túrmege attanýy múmkin edi. Alaıda qoǵam únsiz qalmady. Júzdegen belsendi, quqyq qorǵaýshy, jýrnalıs pen jaı ǵana nemquraıly emes azamattar bul ádiletsizdikke qarsy turdy. Nátıjesinde – ádildikke bir qadam jaqyndadyq.

Eske salsaq, ultarazdyqty qozdyrdy degen aıyppen Jansulýdyń túrmege toǵytylýy qoǵamda úlken rezonans týdyrǵan bolatyn. Ol bala tárbıelep otyrǵan ana, ómirge endi ǵana sábı ákelgen jas kelinshek. Biraq oǵan qatysty sot úkimi ony sábıimen túrmege jiberýdi qarastyrǵan. Alaıda bul jaǵdaı eldiń túkpir-túkpirindegi adamdardy beıjaı qaldyrmady.

Kópshiliktiń daýysy bılikke jetti. Qoǵamnyń, BAQ-tyń, quqyq qorǵaýshylardyń birlesken áreketi nátıjesinde Jansulý Darhambaeva bostandyqqa shyqty. Iá, ol tolyq aqtalyp shyqqan joq — jazasyn óteý merzimi eki jylǵa keıinge qaldyryldy. Biraq dál qazir eń mańyzdysy — ol túrmege emes, úıine qaıtty.