Armenıa astanasy Erevan qalasyndaǵy ereýilshi topty  qadaǵalaý barysynda polısıa 237 adamdy tutqyndaǵan. Bul týraly Reuters agenttigi jazady. Jergilikti bılik ókilderine ózderiniń narazylyǵyn bildirý úshin Erevan kóshelerine jınalǵan 5000-ǵa jýyq  armıandy jergilikti polısıa syrttaı baqylap turǵan. Alaıda aıtar ýájderin el Prezıdentine tikeleı jetkizýdi maqsat tutqan aksıa uıymdastyrýshylaryn polısıa baqylaýynan shyǵaryp alǵan. Osylaısha  19 maýsymda bastalǵan narazylyq aksıasynyń sońy jappaı tártipsizdike ulasqan. Mundaǵy demonstranttardyń narazylyǵyn týǵyzǵan – elektr energıasynyń tarıfiniń kúrt kóterilýi bolǵan. 22 maýsym kúni Ervandaǵy ortalyq alańǵa jınalǵan narazy top belsendileri Prezıdent ákimshiligi ǵımaratyna baǵyt alǵan. Alaıda polısıa qyzmetkerleri sherýshilerdi toqtatqan bolatyn.

22 maýsym kúni polısıa demonstranttarǵa eskertý jasaǵan. Alaıda eskertýlerge qulaq aspaǵan ereýilshilerge 23 maýsym kúni kúsh qoldana bastaǵan. Narazylyq aksıasy belsendilerine qarsy sý atqylaıtyn mashınalar men aýyr tehnıkalar qoldanylǵan. Nátıjesinde aksıa belsendileriniń 7-eýi dárigerlik kómekke júgingen jáne 3 belsendi aýrýhanaǵa jetkizilip, 11 polısıa qyzmetkerine dárigerlik kómek kórsetilgen. Armenıa Bas prokýratýrasy «atalmysh aksıaǵa qatysty qylmystyq is qozǵalyp, aksıa qatysýshylaryna buzaqylyq, qoǵamdyq tártipti buzý aıyptary taǵylǵanyn» jetkizgen.

Nurzat Toǵjan