Keshe İshki ister mınıstrligi Kóshi-qon polısıasy departamentinen qýanyshty habar keldi. Qazaqstan Respýblıkasy İshki ister mınıstrliginiń  2015 jyl 7-sáýirdegi №315 Qaýlysymen Qazaqstan Respýblıkasy Úkimetiniń 2014 jylǵy 19 aqpandaǵy №111 Qaýlysyna saı sheteldikter men azamattyǵy joq adamdardy tirkeý jáne olarǵa Qazaqstan Respýblıkasynda turaqty turýǵa ruqsat berýde 2012 jyldan beri (burynǵy №362 Qaýly) talap etilip kelgen «onyń azamattyǵy memleketiniń jazbasha kelisimi retinde bolýy múmkin ketý paraǵy ne shetelge turaqty turý úshin shyǵýǵa ruqsatty rastaıtyn basqa qujat» kúshinen qaldyrylypty.

Ókinerligi, bul qujattyń eshqendaı zańdyq negizi bolmastan Qaýlyǵa enip ketkendigi! Sóıtip, Qazaq kóshiniń qadamyn toqtatýǵa uryndyrdy.

Osy «Shyǵý paraǵy» men «Azamattyǵy tıesili jáne (nemese) turaqty turatyn memleketindegi sottylyǵy (sottylyǵynyń joqtyǵy) týraly qujat» týraly másele BAQ-ta kóp jazyldy. Kedergini alyp tastaý jóninde Qazaqstan Respýblıkasy Parlanmenti Senatynyń Murat Baqtıaruly, Qýanysh Aıtahanov, Nurlan Orazalın, Jabal Erǵalıev bastaǵan depýtattary Úkimet basy K.Másimovtyń atyna hat jazǵan bolatyn.

Ádette Úkimet qaýlylary baspasózde jaryq kórgen soń 10 kúnnen keıin qoldanysqa enip atqaryla bastaıdy. Al, atalmysh qujatty kúshinen qaldyrý týraly buıyryqty Kóshi-qon polısıasy departamenti 3-maýsymda «Egemen Qazaqstan» gazetine, 5-maýsymda «Kazahstanskaıa pravda» gazetine jiberipti (Tirketken nomerleri: №963 jáne № 08 – 36 – 825).

Aýyt Muqıbek