Almatydaǵy eń bedeldi JOO-lardyń biri ál-Farabı atyndaǵy Qazaq ulttyq ýnıversıtetinen shý shyqty. Stýdentterdiń sózine sensek, ýnıversıtet 500-ge jýyq bilim alýshynyń aqshasyn jymqyrǵan.

Olar oqý aqysyn ýnıversıtet esepshilerine tólep otyrǵan. Kópshiligi oqý aqysyn tólegeni rastalǵannan keıin emtıhandarǵa esh kedergisiz kirgizilgen. Taǵy bir bóliginiń máselesi oqý jyly aıaqtalar tusta shyǵa bastaǵan. Iaǵnı oqý aqysy tólenbegendikten, emtıhanǵa kirgizilmegen, dıplomdaryn bere almaıtyndaryn aıtqan. Osy oqý ornynyń Halyqaralyq qatynastar fakúltetin támamdap, dıplomyn ala almaı otyrǵan Ásel Qydyrbaı óz jeke basyndaǵy jaǵdaıdy

tilshisine baıandap berdi. “Men alǵashynda aqylaı bólimde oqydym. Ol kezde  aqshamdy  ózimizdiń esepshilerge tólep otyrdym. Az ýaqyttan keıin maǵan jeńildikter berildi. Iaǵnı oqý aqysy boıynsha. Ony esepshiler “biz senderge osynshama jeńildikter boıynsha kómektesip otyrmyz. Endi sender de bizge kómek kórsetińder” dedi. Sosyn, qandaı kómek kerektigin suradym. Olar “seniń esebińe aqsha túsip turady sony bizge jetkizip otyr” dedi. Oıymda túk joq. “Apaı, onyń qıyndyǵy joq” dep 5 ret túrli somada óz esebime túsken aqshany berip otyrdym. Endi ýnıversıtet maǵan “oqýyńnyń 400 000 teńgesin tólemegensiń, ári esebińe 2.300 000 teńge túsken bárin qaıtarasyń. Bolmasa dıplom joq” dep otyr. Men sıaqty 200 stýdent osy másele boıynsha Almatydaǵy İİD-ne shaǵym jazǵan. Stýdentterdiń kóbisi máseleni ýshyqtyrmas úshin osyndaı qaryzdaryn qaıtadan tóledi. Qazir bizdegi bar maǵlumat boıynsha JOO tórt esepshisi tergeý abaqtysyna jabylǵan. Endi Aslan Sárinjipov pen prezıdentke, úkimet basshysyna hat jazýdy josparlap otyrmyz”- deıdi stýdent. Ásel Qydyrbaı óziniń, ózi syndy stýdentterdiń osy máseleni halyqqa jaımaýyn talap etip qoqan-loqqy kórsetýshilerdiń de paıda bolǵanyn aıtady. Qazirge Almaty qalasy boıynsha İİD qyzmetkerleri tergeý jumystary áli de jalǵasyp jatqandyqtan, qandaı da bir aqparat berýden bas tartty. Al JOO ókilderi másele boıynsha jýrnalıserge jaýap qatýdan bas tartyp otyr. nur.kz