Osy ýaqytqa deıin áleýmettik ortada, halyq arasynda álemniń alyp memleketteriniń tizginin ustap otyrǵan Prezıdentterdiń  tótenshe jaǵdaılarǵa arnaıy daıyndalǵan «egizderi» bolady degen mıf tarap kelgen bolatyn. Búgin reseılik arnalar taratqan aqparat osy bir jumbaqtyń sheshimin taýyp bergendeı boldy.

Replyua.net agenttigi taratqan aqparattarǵa súıensek, reseılik BAQ RF Prezıdenti Vladımır Pýtındi bir mezette eki túrli qaladaǵy, eki túrli jıynnan kórip qalǵan.

Qazirgi tańda Kremlde RF Qoǵamdyq palatasynyń 10 jyldyǵyna arnalǵan resmı jıyn ótýde. Al RF Qoǵamdyq palatasynyń saıty osy jıynnan tikeleı habarlar taratýda. Onda Reseı Prezıdentiniń resmı jıynǵa qatysyp otyrǵanyn anyq baıqaýǵa bolady.

Sonymen qatar, altaılyq BAQ ókilderi Reseı Prezıdentiniń dál qazirgi ýaqytta Taýly Altaıda júrgenin túsirip alǵan. Jergilikti jýrnalıserdiń habarlaýynsha, Prezıdent Pýtın birneshe kún buryn Taýly Altaıdaǵy óziniń saıajaıyna kelgen. Altaı áýejaıyna  qonǵan Prezıdent ushaǵyna 5 birdeı qosymsha bord erip kelgen. Ádette Prezıdenttiń ushaǵyna qosymsha birneshe ushaq erip júrgenimen, bul joly áskerı jabdyqtalǵan qosymsha 5 ushaq ere kelgen.

Osylaısha Pýtın myrzanyń jasyryn oıyny áshkerelenip qaldy. Áıtpegende, bir adamnyń bir mezette bir-birinen shalǵaı jatqan eki qalada bolýy aqylǵa syıymsyz emes pe?

Aıtpaqshy, osy jyldyń aqpan aıynda, reseılik oppozısıoner Navalnyıdyń málimdemesi esińizde bolar. Onda, opozısıa saıasatker «Mınskdegi kelissózderge Pýtınniń «egizi» bardy» degen bolatyn. Nurzat Toǵjan