Qazaqstan ózin syrtqy saıasatta ózin bitimger, jahandyq máselelerge únqosqysh retinde kórsetip keledi. Elbasy halyqaralyq minberlerden sóılegen sózinde adamzatty tolǵandyratyn, planetalyq masshtabtaǵy máselelerdi jıi kótergen bolatyn. Sondaı bastamalardyń biri – Sırıadaǵy jaǵdaıdy retteýge baǵyttalǵan Astana prosesin AQSH moıyndamaıtynyn málim etti.

AQSH Sırıadaǵy jaǵdaıdy retteýshi birden-bir alań birikken ulttar uıymy ǵana dep esepteıdi. Memlekettik departament tóraǵasynyń sózinshe Vashıngton Nur-Sultan qalasynda tamyz aıyna josparlanyp otyrǵan Astana prosesi aıasyndaǵy kez kelgen formadaǵy kelissózderge qatyspaıdy. Syrtqy saıasatpen shuǵyldanatyn amerıkalyq vedomstvo basshysy BUU ǵana Sırıa kelissózderin saıası alǵa jyljýǵa jeteleýge qaýqarly ekenin aıtty.

"Jeneva prosesi – Sırıa máselesinde senim uıalatatyn, zańdy jáne halyqaralyq deńgeıde moıyndalǵan jalǵyz format", – dep atap ótti ol.

Sondaı-aq tóraǵa Astana prosesiniń qantógisti toqtatýda, beıbitshilikti ornatýda dármensizdigin jetkizdi.

Aıta keteıik, Astana prosesi Reseı, Túrkıa jáne Irannyń bastamasy boıynsha elordada ótip keledi. Otyrystarǵa Sırıa úkimetiniń ókilderi men opozısıalyq kúshter de qatysýda. Baqylaýshylar qatarynda BUU, Iordanıa bar. Kelesi, 13 otyrys 1-2 tamyz kúnderi ótpek.