Keshe Qyrǵyz astanasynda QR Prezıdenti Nursultan Nazarbaevtyń balalyq, bozbalalyq shaǵynan syr shertetin jańa qoıylymnyń (spektákl) premerasy ótti. Qoıylymda bozbala Nursultannyń qyrǵyz balalarymen aradaǵy dostyǵy týraly baıandalǵan. Bul týraly «Qamshy» portaly Azattyqtyń qyrǵyz redaksıasyna silteme jasaı otyryp habarlaıdy.
Qoıylym senarıi boıynsha, jap-jas qazaq jigiti men qyrǵyz balasy dostasyp, birge bilim alady. Qıyn-qystaý kezeńderinde bir-birlerine demeý bolyp, ómirlik aınymas dosqa aınalady. Qazaq jigiti – Nursultan Nazarbaev bolsa, qyrǵyz balasy – qyrǵyzstandaǵy eń yqpaldy saıası tulǵalardyń biri bolǵan Marat Akmatov. Spektal ómirde bolǵan oqıǵalar jelisinde qoıylǵan.
Kanybek Akmatov- Marat Akmatovtyń kishi uly:
— Shynynda búkil qoıylym barysynda kózimnen jas toqtamady. Erekshe tolqydym, tolǵandym. Men bala kezimnen Nursultan Nazarbaev pen ákem arasyndaǵy baýyrlastyqty, dostyqty kórip óstim. Bala kúnimde ákem maǵan onyń sýretin kórsetip, «bul da seniń ákeń» deıtin. Men 20 jasqa tolǵanda ákem ekeýmiz Cholpan-Ataǵa bardyq. Onda dem alyp jatqan Nursultan Ábishulymen kezdestik. Mine, sol kezde olardyń arasyndaǵy dostyqtyń máńgilik ekenine kózim taǵy bir jetken bolatyn. Keıin bildim, olar Ýkraınada da birge oqyǵan eken.
Kaıyrgúl Sartbaeva, Qyrǵyzstan halyq ártisi:
— Bul qoıylym óte joǵarǵy deńgeıde daıyndalǵan eken. Óz kórermenin tabatyn, maǵynaly jáne shynaıy qoıylym boldy. Meniń oıymsha, muny Qyrǵyzstannyń barlyq oblystaryna kórsetý kerek. Tek qyrǵyz sahnasynda ǵana emes, Qazaqstanǵa da qoıylýy tıis dep oılaımyn. Óıtkeni, bul aktýaldy spektákl jáne eń bastysy, qoıylymǵa akterler sátti tańdalǵan.
Qanat Sadyqov, Qyrǵyzstannyń burynǵy bilim mınsıtri:
— Spektaldiń basty taqyryby – dostyq. Eki adamnyń ómiri arqyly eki eldiń dostyǵyn keremet sýrettegen. Onyń biri – Nursultan Nazarbaev. Biz bul tulǵany jaqsy bilemiz. Qurmetteımiz.Nursultan Ábishulynyń arqasynda qazaq-qyrǵyz dostyǵyna syzat túspeı, yntymaǵymyz jarasyp keledi. Sol úshin ol kisigi alǵys aıtý kerekpiz.
Qoılymdy Amanbek Japarovtyń «Er dostýgý — egız, el dostýgý — deńız» dramasynyń negizinde qyrǵyzdyń talantty rejıseri – Marat Qozýkeev sahnalaǵan.
Al osyǵan deıin Qazaqstanda Elbasy ómirinen syr tartatyn, avtobıografıalyq «Pýt lıdera» kınoepopeıasy túsirilgen bolatyn. Sondaı-aq, «Meniń balalyq shaǵymnyń aspany», «Razryvaıa zamknýtyı krýg» atty birneshe kórkem fılmder túsirilgen.
Nurgeldi Ábdiǵanıuly
Sýret: azattyq.org
