Jazǵy maýsym. Balalardyń jazǵy maýsymdy tıimdi ári qyzyqty ótkizýi úshin Ońtústik Qazaqstan oblysynda barlyq jaǵdaı jasalǵan.  barlyq jańdaı Ońtústik Qazaqstan oblysy Túlkibas aýdanyndaǵy Mashat ózeniniń shatqalynda 300 balaǵa arnalǵan «Mashat-Arasan» emdeý saýyqtyrý lageri ashyldy. Bul týraly aýdan ákiminiń baspasóz qyzmeti habarlaıdy.

Bes gektar aýmaqty alyp jatqan bul lagerdiń qaıta jóndeý jumystary men jańa ǵımarattar salý jumystaryna 100 mln teńge jumsalǵan. Saýyqtyrý ortalyǵynda búgingi tańda elýge tarta adam jumysqa tartylyp otyr.

Lagerde jatyn bólme, asqana, zamanaýı sport alańy, mádenı –saýyqtyrý alańy, ákimshilik bólmelerden turatyn ǵımarattar ornalasqan. Atalǵan balalar demalys aımaǵyna elimizdiń barlyq aýmaǵynan balalardy qabyldaý jumystary júrgizilýde. Búgingi tańda Atyraý oblysynan 300 bala demalýda. Lagerdiń ashylýyna «Nur Otan» partıasynyń oblystyq fılıalynyń partıalyq baqylaý komısıasynyń tóraǵasy Sh.Jamalbekov, oblystyq bilim, jastar saıasaty jáne tilderdi damytý basqarmasy basshysynyń orynbasary B.Janábilov, Túlkibas aýdany ákiminiń orynbasary Ó.Matkerımov qatysyp, lagerge kelgen oqýshylarǵa demalystaryn sátti ótkizýlerine tilek bildirdi. Bul — Túlkibas aýdanynda ashylyp otyrǵan onynshy lager. Búginde aýdanda eki memlekettik, jeti jekemenshik lager jumys isteýde.