Kezdesýge deıin úlken ómirge alǵash qadam basyp jatyrǵan túlekter, Mańǵystaý oblystyq tarıhı-ólketaný murajaıyna baryp, ólkemizdiń ataqty adamdary týraly estip, týǵan jerdiń ótken baı tarıhymen tanysty. Sodan keıin keshegi oqýshylar Uly Otan soǵysynyń batyrlaryna qurmet kórsetip, «Máńgilik Alaý» eskertkishine gúl shoqtaryn qoıdy. Kezdesýge 46 «Altyn belgi» ıegerleri, 32 halyqaralyq, respýblıkalyq olımpıadalar men ǵylymı jarystardyń jeńimpazdary qatysty. Óńir basshysy Alık Aıdarbaev óz bilimderin dáleldep shyqqan túlekterge «Altyn belgi» men estelik syılyqtar tabystady. - Qurmetti balalar, bizder, úlkender, sizderdiń jetistikterińizdi, sizderdi maqtan tutamyz. Ár adamnyń armany bolady, biraq sol armannyń oryndalýy úshin sabyr men kúshti qaırat qajet. Qaı jerde bolsańyz da, qaı shyńǵa jete almasyńyz da, Mańǵystaý sizderdi súıetinin jáne árdaıym kútetinin esten shyǵarmaǵaısyzdar. Bizdiń oblys, elimiz sıaqty tez qarqynda damyp keledi. Bizge joǵary bilimdi, zamanǵa saı oılana alatyn bilikti mamandar, óz eliniń naǵyz patrıottary qajet. Meniń oıymsha, ata-ana úshin jáne muǵalimder úshin eń úlken alǵys sizderdiń bolashaqtaǵy jetistikterińiz. Sizderdiń jeke jetistikterińiz elimizdiń tabysynyń negizin quraıdy» – dedi Mańǵystaý oblysynyń ákimi Alık Aıdarbaev. Óńir basshysynyń bastamasymen aımaǵymyzda úsh tildi «Mańǵystaýdyń altyn jastary» atty kóptomdy ensıklopedıa kitabyn shyǵarý josparlanyp otyr. Alık Aıdarbaev atap ótkendeı: «kitaptyń alǵashqy tomyn búgingi saltanatty rásimge qatysýshylar, 46 Altyn belgi ıegerleri men 32 halyqaralyq, respýblıkalyq olımpıadalar men ǵylymı jarystardyń jeńimpazdary ashady. Kitaptyń birinshi nusqasy, árıne, sózsiz oblystyq ólketaný murajaıyna túsedi».