Oblystyń jumyspen qamtýdy úılestirý  jáne áleýmettik baǵdarlamalar basqarmasynyń derekterine súıensek, jyl basynan bastap jumyspen qamtý organy 5431 adamdy jumysqa ornalastyrýǵa járdemdesti: 1734 jumyssyz adam turaqty bos jumys oryndaryna alyndy; 251 adam qaıtadan qurylǵan jańa jumys oryndaryna ornalastyryldy, onyń ishinde memlekettik, salalyq baǵdarlamalar, óńirlerdi jáne jeke bıznes bastamalaryn damytý baǵdarlamalary, sheteldik jumys kúshin tartatyn kásiporyndar mindettemeleri aıasynda jumyspen qamtyldy. Sondaı-aq 848 adam áleýmettik jumys ornyna alyndy;  orta jáne joǵary kásibı bilim berý uıymdarynyń 768 túlegi jastar tájirıbesi aıasynda qurylǵan jumys oryndaryna jiberildi; 1829 jumyssyz - qoǵamdyq aqy tólenetin jumysqa tartyldy. «Eger óńirler bóligindegi kórsetkishterge nazar salsaq, Aqtaý qalasynda 967 adam,  Jańaózen qalasynda - 1472, Munaıly aýdanynda - 663, Qaraqıa aýdanynda - 504,  Beıneý aýdanynda - 1060,  Mańǵystaý aýdanynda - 366, Túpqaraǵan aýdanynda - 399 adam jumyspen qamtyldy», - dep atap ótti vedomstvodan.