Taraz qalasy turǵyndarynyń turmystyq jaǵdaıyn jaqsartý maqsatynda jeke qosalqy sharýashylyǵyn júrgizý jumystaryna da asa mán berilýde. Bul baǵytta Taraz qalasy, «Araı « shaǵyn aýdanynda 50 gektar jer telimi bólinip, kóp qabatty turǵyn úıde turatyn turmystyq jaǵdaıy tómen otbasylaryn jumyspen qamtý maqsatynda 833 turǵynǵa kúndelikti ózin-ózi ósimdik ónimderimen qamtamasyz etý jáne artylǵan ónimdi naryqqa usyný (satý) úshin kókónis egýge 0,06 gektar jerden bólip berý syzbasy daıyndaldy dep jazady Qamshy.kz aqparat agenttigi. 

Atalmysh 50 gektar jerge qyzanaq, qıar, kartop, pıaz egý josparlanýda. Bul kókónis túrleriniń shyǵyny birdeı, ıaǵnı tuqym jáne mıneraldy tyńaıtqyshtar baǵasy bir shamada. Atap aıtqanda: 0,06 gektar jerdi daıyndaýǵa 3000 teńge, tuqym satyp alýǵa 7500 teńge jáne mıneraldy tyńaıtqyshtarǵa 4200 teńge jáne basqa da shyǵyndarǵa 9000 teńge kóleminde qarjy jumsalady. Jylyna ár turǵyn ózine tıesili 0,06 gektar jerden 1,5 tonna qıar, 1,86 tonna qyzanaq, 3,6 tonna pıaz, 2,7 tonna kóleminde kartop ónimin alýyna bolady. Aýyl sharýashylyq ónimderin saqtaý úshin 144 sharshy metr ǵımarat jáne shatyrlardy salý maqsatynda jobalyq smetalyq qujattamalary ázirlenýde.

Turǵyndardyń turmys sapasy olardyń densaýlyǵynyń myqtylyǵyna da baılanysty ekeni belgili. Bul turǵyda oblys ortalyǵynda buqaralyq sportqa da úlken nazar aýdarylyp otyr. Atap aıtqanda, qala boıynsha sport alańshalaryn salý, qalpyna keltirý jáne jańǵyrtý jol kartasy ázirlenip, jalpy 51 sport alańshalaryn salý jumystary josparlanǵan. Onyń ishinde, 9 - jeke menshik, 27 – búdjet jáne 5 - demeýshiler esebinen salynýy, al 10 sport alańshasyn qaıta qalpyna keltirilý jumystary josparlanǵan bolatyn. Qazirgi tańda 5- sport alańshasynyń qurylysy aıaqtalyp, 6 sport alańshasynyń qurylys jumystary bastalyp ketti. Aldaǵy ýaqytta qalǵan sport alańshalaryn salý jóninde konkýrs jarıalanatyn bolady.

Budan bólek, turǵyndardyń qolaıly ómir súrýine jaǵdaı jasaý maqsatynda «Tekturmas» mádenı-tarıhı kesheninde magıstraldyq ınjenerlik - komýnıkasıalyq jelileriniń qurylysy nysanynyń jobalyq-smetalyq qujattaryn ázirleý boıynsha jobalaýshy «Arhstroı-2005 « JSHS tanylǵan, jobalyq-smetalyq qujattaryn ázirlenýde.

Sonymen qatar, «Tekturmas» mádenı-tarıhı keshenindegi «Kóne-Qamal» ǵımaratynyń salý jáne «Áýlıe-Ata» eskertkishiniń aýmaǵyn abattandyrýdyń jobalyq-smetalyq qujattaryn ázirleý boıynsha memlekettik satyp alý konkýrsy ótkizilýde. Joba aǵymdaǵy jyly aıaqtalýy josparlanýda.