Elbasy N.Á.Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasynyń «Atameken» kishi baǵdarlamasy aıasynda Talas aýdany Qarataý qalasynda «Jomart júrek» respýblıkalyq baıqaýynyń aýdandyq kezeńiniń saltanatty quttyqtaý rásimi bolyp ótti dep jazady Qamshy.kz aqparat agenttigi. 

Quttyqtaý rásiminde alǵash bolyp sóz alǵan aýdan ákiminiń orynbasary Qadirbek Sadýbaev: Elbasy N.Nazarbaev «Bolashaqqa baǵdar: rýhanı jańǵyrý» baǵdarlamalyq maqalasynda «Týǵan jer» baǵdarlamasyn qolǵa alýdy usynǵan bolatyn. Munda jalpyulttyq sıpatta jańǵyrýdyń tıisti tetikterin anyqtap berdi. Osylaısha, oı - sanada jappaı jańǵyrý úderisi bastaldy, - deı kelip, jaqsylyqqa umtylǵan jan aldymen qaıyrymdylyq jasaıdy degendi de tilge tıek etti.

Osydan soń, iri áleýmettik jobalardy iske asyrǵany úshin, az qamtylǵan, kóp balaly januıalarǵa, ata-ananyń qaraýynsyz qalǵan jetim balalarǵa, múgedekterge, UOS ardagerlerine, zeınetkerlerge qaıtarymsyz kómek kórsetkeni úshin «Jyl mesenaty» nomınasıasymen Jumahan Tańkebaev, eldi mekenderdi abattandyrýǵa, demalys baqtardy, aleıalardy, eskertkishterdi, balalar oıyn alańdaryn rekonstrýksıalarǵa jáne salýǵa, densaýlyq saqtaý, mádenıet, bilim berý jáne sport salalaryna demeýshilik kómek kórsetýge baǵyttalǵan áleýmettik jobalardy iske asyrǵany úshin «Týǵan ólke» nomınasıasymen Dosymhan Aralbaev, al, belsendi azamattyq ustanymy, ártúrli baǵyttaǵy keń aýqymdy qaıyrymdylyq qyzmetti júzege asyrǵany úshin «Jyl tulǵasy» nomınasıasymen Kaıypova Qaldykúl marapattalsa, áleýmettik mańyzy bar jobalardy, nemese aksıalardy tıimdi júzege asyrǵany men qaıyrymdylyq kómek berýdiń jańa tıimdi túrlerin engizgeni jáne qoǵamdyq mańyzy bar sharalarǵa bas demeýshilik jasaǵany úshin «Jyldyń úzdik uıymy» nomınasıasymen aýdandyq aýrýhana ujymy, volonterlik qyzmetterge belsendi qatysqany úshin «Eren eriktilik» nomınasıasymen Kenesbaı Oljas laıyk dep tanylyp marapattaldy.

Kelesi kezekte K.Kaıypova sóz alyp, qaıyrymdylyqtyń úlken nemese kishisi bolmaıtyndyǵyn, Elbasynyń maqalasy aıasynda birlese etken jumystyń nátıjeli bolatyndyǵyna toqtalyp ótti.